00:59 07 Чын Куран 2020
Түз эфир
  • USD84.8713
  • EUR91.6016
  • RUB1.1108
Коом
Кыскача шилтеме алуу
577 0 0

Экономикалык кылмыштуулукка каршы күрөшүү мамлекеттик кызматы чет жактан жумуш таап берем деген компаниялардын "көптү үмүттөндүргөн" сунуштарына азгырылбай, алардын документин суроо керектигин эскертет.

БИШКЕК, 12-ноя. — Sputnik. Кыргызстандыктарга чет жактан жумуш таап берип жүргөн компания мыйзамсыз иштерди жасаган деп шектелүүдө. Бул тууралуу Экономикалык кылмыштуулукка каршы күрөшүү мамлекеттик кызматынан кабарлашты.

Финполицияга У.Т. аттуу кыргызстандыктын Чехияга документи жана медициналык камсыздандыруусу жок барып калганы боюнча билдирүү келип түшкөн.

"У.Т. аттуу жарандын Европа өлкөлөрүнө ишке орноштуруу боюнча көрсөткөн кызматы үчүн компанияга миң доллар төлөгөнү аныкталды. Аталган компаниянын шартына ылайык, Чехияга келгенде жумуш орду жана жашоосу үчүн керектүү документтер берилиши керек болчу. Бирок аталган өлкөгө келгенден кийин убадаланган иш, тийиштүү документтери жана медициналык камсыздандыруусу жок калган", — деп айтылат маалыматта.

Тергөө учурунда компаниянын Бишкек шаары, Чүй проспектиси 28/1 дарегинде жайгашып, ишмердигин жүргүзүп келгени аныкталган.

Бул ишкана Мамлекеттик миграция кызматынын Маалыматтык-консультациялык борборунун мыйзамдуу жөнөтүүлөр реестринде катталган эмес, ошондой эле кыргызстандыктарды чет өлкөдө ишке орноштуруу укугун албаганы белгилүү болгон.

Бишкек шаарынын Биринчи Май райондук сотунун токтомунун негизинде компания тинтилип, анын жүрүшүндө мыйзамсыз ишкердикке багытталган иш-аракеттерди күбөлөндүргөн финансылык-чарбалык документтер табылган.

Азыркы убакта сотко чейинки тергөө амалдары жүрүп жатат.

Тема боюнча

Виза ачып берем деп элди 96 миң долларга алдап кеткен аялдар кармалды
Белгилер:
Мигрант, Чехия, Кыргызстан

ЭҢ МААНИЛҮҮ