06:44 18 Жетинин айы 2019
Түз эфир
  • USD69.8500
  • EUR76.9922
  • RUB1.0933
Маска кийген кыз. Архив

Акыркы жумада сасык тумоого кабылгандар көбөйдү. Министрликтин билдирүүсү

© Sputnik / Табылды Кадырбеков
Коом
Кыскача шилтеме алуу
121 0 0

14-20-октябрь күндөрү ОРВИге кабылгандардын саны өсүп, 3453кө жетти. Былтыр бул убакта ооругандардын саны 3043 болчу.

БИШКЕК, 22-окт. — Sputnik. Акыркы жумада курч респиратордук вирустук инфекция (ОРВИ)  менен ооругандардын саны көбөйдү. Бул тууралуу Саламаттыкты сактоо министрлигинин маалымат кызматы кабарлады.

Билдирүүгө караганда, жыл сайын октябрь айында сасык тумоо күч алат.

"14-20-октябрь күндөрү ОРВИге кабылгандардын саны кескин өстү. Салыштырмалуу айтсак, 3453 учур катталды. Былтыр бул убакта ооругандардын саны 3043 болчу", — деп айтылат билдирүүдө.

Министрлик жарандардын сасык тумоого кабылуусун алдын алуу жана туруктуу кармап туруу максатында ОРВИге каршы 150 000 даана "Гриппол плюс" вакцинасын сатып алган. Аны ооруп кала тургандардын тобундагыларга (медиктер, өнөкөт оорусу барлар, кош бойлуулар жана мектеп-интернаттардын тарбиялануучулары)  акысыз сайып берип жатышат.

Мындан тышкары, каалоочулар №8, №6 үй-бүлөлүк дарыгерлер борборунан жана жеке клиникалардан акы төлөп алса болот. Баасы —  600-650 сом.

Сасык тумоону алдын алуу үчүн Саламаттыкты сактоо министрлиги төмөнкүлөрдү сунуштайт:

  • эл көп чогулган жайларга барбоо;
  • туура тамактануу жана суусундукту көп ичүү;
  • бөлмөнү маал-маалы менен желдетүү;
  • мурунду бат-баттан чайкап, оксолин жана вазелин сүйкөп туруу;
  • тамактануу алдында колду таза жууп алуу.
Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.

Тема боюнча

Мурдуңарды коркпой тештире бергиле, гайморит өнөкөт болбойт! Дарыгердин маеги
Астанова: элдик медицина ооруну толук айыктыра албайт
Белгилер:
кеңеш, оору, сасык тумоо, Кыргызстан

ЭҢ МААНИЛҮҮ