21:32 08 Бештин айы 2019
Түз эфир
  • USD69.8490
  • EUR77.5883
  • RUB1.0962
Салык кызматкерлери. Архив

Жыл башынан бери канча салыкчы иштен айдалып, жазаланганы айтылды

© Пресс-служба президента КР / Султан Досалиев
Коом
Кыскача шилтеме алуу
173 0 0

Арыздардын 103үндө кызматкерлердин укук бузгандыгына доомат коюлган. Кызматтык териштирүүнүн жыйынтыгы боюнча 38и далилденген.

БИШКЕК, 17-окт. — Sputnik. Үстүбүздөгү жылдын тогуз айынан бери Мамлекеттик салык кызматынын 37 өкүлү мыйзамсыз аракеттери үчүн жазаланды. Бул тууралуу аталган ведомстводон билдиришти.

Тогуз айдын ичинде Салык кызматына кат түрүндө — 50, электрондук почта аркылуу — 36, ишеним телефонуна — 41 жана ЖМК аркылуу — үч кайрылуу жана арыз түшкөн.

Арыздардын 103үндө кызматкерлердин укук бузгандыгы тууралуу айтылган. Кызматтык териштирүүнүн жыйынтыгы боюнча 45 арыз боюнча факты далилденген эмес. Ал эми 38и такталып тастыкталган. Дагы 14ү каралып жатса, төртөө эске алынды.

Жыйынтыгында төрт кызматкер иштен алынып, сегизине катуу сөгүш, 11ине сөгүш, дагы сегизине эскертүү берилди. Алтоо катуу эскертүү алды.

Ошондой эле Салык кызматынын өкүлдөрү салык мыйзамдарын бузуп жатканы боюнча 27 маалымат келип түшкөн. 11 факты далилденип, экөө жарым-жартылай аныкталды. Эреже бузгандарга административдик чара көрүлдү. 12 арыз далилденген эмес, дагы экөө каралып жатат.

Мамлекеттик салык кызматы 61-31-89 ишеним номери иштеп жатканын эске салды. Жарандар ошондой эле info@sti.gov.kg дарегине арыздарын жөнөтө алышат. Мындан сырткары, коомдук кабылдамага дагы кайрылууга болот. Арыздар бир гана салык кызматкерлерине эмес, мыйзам бузган ишкерлерге карата дагы кабыл алынат.

Тема боюнча

Декларацияны мыйзам бузуп тапшырган депутаттардын тизмеси чыкты
Белгилер:
мыйзам бузуулар, Мамлекеттик салык кызматы

ЭҢ МААНИЛҮҮ