21:19 20 Жетинин айы 2019
Түз эфир
  • USD69.8500
  • EUR77.2506
  • RUB1.0910
Кыргызстандын желеги. Архивдик сүрөт

КРдеги эки университет Борбор Азиядагы мыкты окуу жайлардын катарына кирди

© Sputnik / Жоомарт Ураимов
Коом
Кыскача шилтеме алуу
9222 0 0

Тизмеге 350 университет катталган. Рейтингдин сап башына Михаил Ломоносов атындагы Москва мамлекеттик университети чыкты.

БИШКЕК, 15-окт. — Sputnik. Британиялык Quacquarelli Symonds аналитикалык компаниясы Европадагы жана Борбордук Азиядагы өнүгүп келе жаткан мамлекеттердеги алдыңкы саптагы жогорку окуу жайлардын рейтингин түздү.

Тизмеге 350 университет кирди. Рейтингди түзүүдө жогорку окуу жайдын академиялык репутациясы, кызматкерлердин илимий даражасы, илимий басылмалардын саны сыяктуу көрсөткүчтөр эске алынган.

Кыргызстандагы университеттердин ичинен тизмеге Борбор Азиядагы Америка университети менен Кыргыз-түрк "Манас" университети кирди. АУЦА 163-орунда болсо, "Манас" 190-сапка илинди.

Михаил Ломоносов атындагы Москва мамлекеттик университети рейтингдин лидери боло алды. Бул окуу жай беш жылдан бери алдыңкы сапты бербей келет. Экинчи орунда Санкт-Петербург мамлекеттик университети болсо, үчүнчүгө Новосибирск мамлекеттик жогорку окуу жайы илинди.

Казакстандагы окуу жайлардын ичинен жалпы жонунан рейтингге 24 университет кирди. Аль-Фараби атындагы Казак улуттук университети алдыңкы 50 окуу жайдын катарын толуктады.

Тема боюнча

Тыныбекова UWW рейтингинин сап башына чыкты. Эми айына 75 миң сомдон стипендия алат
Белгилер:
Европа, чыгыш, рейтинг, Кыргыз-Түрк "Манас" университети, АУЦА

ЭҢ МААНИЛҮҮ