Иш издегендерге кулак кагыш. Компаниялар кызматкер караштырат

© Фото / Pixabay/ Free-PhotosОфис кызматкери. Архив
Офис кызматкери. Архив - Sputnik Кыргызстан
Жазылуу
Жарманкеге ар кыл компаниялар өз өкүлдөрүн жиберип, алар сунуштай турган жумуштар тууралуу кеңири айтып беришет.

БИШКЕК, 15-окт. — Sputnik. Борбор калаада жумуш орундарынын жарманкеси өтөрүн Бишкек шаардык иш менен камсыз кылуу башкармалыгынан кабарлашты.

Ведомство Эмгек жана социалдык жактан өнүктүрүү министрлигине карайт.

Бул багыттагы жарманке акыркы ирет май айында өткөрүлгөн. Андан бери иш издегендерге мындай мүмкүнчүлүк жарала элек болчу.

Жашылча жемиштер. Архив - Sputnik Кыргызстан
Бишкекте айыл чарба продукциясынын жарманкеси кайрадан жанданат
Жарманке 17-октябрда №5 кесиптик техникалык лицейдин имаратында (Байтик баатыр көч., 122/2) саат 10:00дө башталат.

Жумуш караштырып жүргөндөр вакансия боюнча маалымат алып, иш берген адамдар менен түздөн-түз сүйлөшүп, кеп-кеңештерин угуп, кошумча суроолору болсо бере алат. Муну менен катар эле лицейде окугандарга иш табуу боюнча окутууларды өткөрөт.

Эгерде суроолор болсо 30-37-44 жана 30-37-48 телефон номерлерине чалып, жооп алууга болот.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
Жаңылыктар түрмөгү
0