Бишкектин паркында көрсөтүлгөн эротикалык тасма. Милиция окуянын чоо-жайын айтты

© Sputnik / Максим Богодвид / Медиабанкка өтүүАвтокинотеатр. Архив
Автокинотеатр. Архив - Sputnik Кыргызстан
Жазылуу
Фильм борбор калаадагы жаңы түшкөн “Ынтымак” паркынын жанында жайгашкан автокинотеатрда көрсөтүлгөн.

БИШКЕК, 28-сен. — Sputnik. Жаңы парктын жанындагы автокинотеатрда кино көрсөткөн кишинин ким экени такталды. Бул тууралуу Октябрь РИИБи билдирди.

Автокинотеатр. Архив - Sputnik Кыргызстан
Бишкектин паркында эротикалык фильм көрсөткөн автокинотеатр жок кылынмай болду
Буга чейин жаңы түшкөн “Ынтымак” паркынын жанындагы автокинотеатрда көрсөтүлгөн эротикалык тасма боюнча шаардык милиция иликтөө баштаганы айтылган. Факт Кылмыш-жаза кодексинин 130-беренеси боюнча Кылмыш жана жоруктардын бирдиктүү реестрине катталган.

Тасма койгон кишинин ким экенин милиция кызматкерлери аныкташкан. Г.Д. аттуу жаран аталган жерде интернеттен онлайн-режимде кино коюп беш жылдан бери иштей турганын айтып берген. 28-сентябрга караган түнү тасма коюп, кызмат бөлмөсүндө болгон. Эртеси фильмдин ачык сценалары бар жер мобилдик телефонго тартылып, социалдык тармакка тарап кеткенин билген.

Тартип сакчылары соттук-культурологиялык экспертиза дайындашты. Анын жыйынтыгы менен кино койгон кишинин аракеттерине юридикалык баа берилмекчи.

Жаңылыктар түрмөгү
0