23:26 28 Тогуздун айы 2021
Түз эфир
  • USD84.7974
  • EUR98.2887
  • RUB1.2024
Коом
Кыскача шилтеме алуу
181 0 0

Өкмөт майды кассалык машинанын чегисиз куюуга мүмкүн эместигин, себеби ансыз АЗСтеги колонкаларга мунай затын чыгаруу боюнча сигнал берилбей тургандыгын айтууда.

БИШКЕК, 27-сен. — Sputnik. 2020-жылдын 1-январынан тарта Кыргызстандагы май куюучу бардык жайлар мунай заттарын автоматтык түрдө каттоого алган системаны колдонууга милдеттендирилет. Бул тууралуу өкмөттүн маалымат кызматынан кабарлашты.

Май куйган жайларга коюлган жаңы талаптар өкмөттүн "Кыргыз Республикасынын аймагындагы мунай продукцияларын каттоо жана көзөмөлдөө" боюнча 2019-жылдын 17-сентябрында кабыл алынган токтомуна ылайык ишке ашат.

Күйүүчү майды мунай заттарынын базасына же резервуарына ээлик кылган жактарга гана дүңүнөн сатууга мүмкүн болот.

Күйүүчү майды чекене сатуу май куйган бекеттерде көзөмөл-кассалык машиналар, колонкалар жана майды куйган автоматташкан электрондук система менен гана болот.

Өкмөт майды кассалык машинанын чегисиз куюуга мүмкүн эместигин, себеби ансыз АЗСтеги колонкаларга мунай затын чыгаруу боюнча сигнал берилбей тургандыгын айтууда. Ал эми бул маалымат Мамлекеттик салык кызматынын серверине түшүп турат дешти.

Май куюучу бекеттин ээлери бул системаны өздөрү сатып алып орнотуп, иштете бергенге болот. Ал техникалык талаптарга жооп бериши керек, андай болбогон учурда аталган жайда мунай заттарын сатууга тыюу салынат. Май куюучу бекетке аталган системаны орноткондон кийин күйүүчү май сактаган люкка пломба орнотуунун зарылдыгы жок калат.

Мунай заттарын өндүргөн, импорттогон жана саткан тараптар продукцияны түшүрүп алгандыгы боюнча документтерди салык системасындагы жеке кабинети аркылуу эле электрондук жол менен толтуруп коёт. Ал эми бул документте күйүүчү май, ким жөнөткөндүгү, ким алгандыгы, продукцияны ташыган транспорт тууралуу жана башка дагы маалыматтар болот.

Мындан сырткары, мунай заттарын соодалоодогу жогорудагыдай системаны орнотуу жана сатып алууда жеңилдик берүү боюнча мыйзам долбоору даярдалып жатканы маалымдалды.

Тема боюнча

Экотехинспекция: Ошто жарылуу болгон май куюучу жай буга чейин да эреже бузган
Бишкекте кайсы май куюу жайлары бензинди жеткирбей куят? Иликтөө
Белгилер:
Кыргызстан, экономика, мунай, май куюучу бекет, өкмөт

ЭҢ МААНИЛҮҮ