02:58 27 Жетинин айы 2020
Түз эфир
  • USD84.7990
  • EUR101.0465
  • RUB1.1239
Коом
Кыскача шилтеме алуу
Бишкектеги "Евразия жумалыгы — 2019" форуму (24)
115 0 0

Кыргызстандын акыйкатчысы Токон Мамытов Евразия жумалыгында сөз сүйлөп, кийинки үч миң жылдыкта күтүлгөн кыйынчылыктарга токтолду.

БИШКЕК, 27-сен. — Sputnik. Евразиялык интеграция жаштарга азыркы муун калтырып кеткен көйгөйлөрдү чечүүгө жардам берет. Бул тууралуу Кыргызстандын акыйкатчысы Токон Мамытов Евразия жумалыгында сүйлөп жатып билдирди.

Анын айтымында, азыркы муун жаштарга экологиялык катастрофа жана атомдук согушту шарттай турган согуштук-саясий окуяларды мурастоодо. Бул маселелерди чечүү үчүн Мамытов жаштарга үчүнчү миң жылдыктын идеологиясы менен саясатын иштеп чыгууну сунуштады. Акыйкатчы мындай кадам бир топ натыйжалуу болорун, анткени адамзат эки миң жылдыктын идеологиясы менен философиясын иштеп чыгып өнүккөнүн белгиледи.

"Саясатчылардын азыркы мууну маселелерди интеграция аркылуу чечүүгө аракет кылды. Бирок Советтер Союзу сыяктуу интеграциялык процесс аягына чыкпайт өңдүү. Республикаларда бири-бирине карама-каршы пикирлер калды, өнүгүүсү да ар кыл деңгээлде, ар кимдин өзүнүн кызыкчылыгы бар. Бирок баары бир интеграциялык процесстерге умтулуу зарыл. Евразиялык интеграциянын келечеги кең экенине ишенем", — деди Мамытов.

Акыйкатчы ЕАЭБдин жер жүзүндө орду чоң экенин айтып, дээрлик дүйнөнү камтыганын белгиледи. Анын айтымында, мындай мүмкүнчүлүктү колдон чыгарбай пайдаланып калуу керек.

"Элибиз бар, ресурс, территория, элитабыз бар. Жаңы цивилизация түзүүгө кудуретибиз жетет. Бирок бул маселелерди чечип жатып, мыйзамдуулук жана адам укугу жөнүндө унутпашыбыз керек", — деди акыйкатчы.

Белгилей кетсек, мамлекеттик резиденцияда "Евразия жумалыгы-2019" өтүп жатат. Иш-чара биримдикке мүчө мамлекеттердин борбор калааларында 2016-жылдан бери уюштурулуп келет.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
Тема:
Бишкектеги "Евразия жумалыгы — 2019" форуму (24)

Тема боюнча

Ишкер инвестор издеп жатканда эмнеге басым жасоо керектигин эксперт айтып берди
ЕЭК министри техрегламенттин ишке киришинин создукканына нааразы болду
Белгилер:
Евразиялык экономикалык биримдик, интеграция, муунтуу, көйгөй, акыйкатчы, Токон Мамытов

ЭҢ МААНИЛҮҮ