12:19 23 Тогуздун айы 2019
Түз эфир
  • USD69.8114
  • EUR77.7804
  • RUB1.0971
Премьер-министр Кыргызской Республики Мухаммедкалый Абылгазиев встретился с жителями села Максат Лейлекского района Баткенской области.

Баткенден алынган сүрөттөр. Абылгазиев эл жана чек арачылар менен сүйлөштү

© Фото / пресс-служба правительства / Алишер Алиев
Коом
Кыскача шилтеме алуу
Максат жана Сай чек ара бекеттерине атылган ок (40)
442 0 0

Өкмөт башчы тажик тарап биринчи болуп ок чыгарган чек арадагы окуяда миномёт менен автоматтын огунан зыянга учураган бекеттин инфраструктурасын көрүп чыкты.

БИШКЕК, 17-сен. — Sputnik. Премьер-министр Мухаммедкалый Абылгазиев Лейлек районундагы Максат айылынын жашоочулары менен жолугуп, чек ара маселесин жөнгө салуу көңүлдүн борборунда тургандыгын айтты. Бул тууралуу өкмөттүн маалымат кызматынан кабарлашты.

  • Премьер-министр Кыргызской Республики Мухаммедкалый Абылгазиев встретился с жителями села Максат Лейлекского района Баткенской области.
    Премьер-министр Мухаммедкалый Абылгазиев Лейлек районундагы Максат айылынын жашоочулары менен жолугуп, чек ара маселесин жөнгө салуу көңүлдүн борборунда тургандыгын айтты
    © Фото / пресс-служба правительства / Алишер Алиев
  • Премьер-министр Мухаммедкалый Абылгазиев посетил пограничный пост Максат и пообщался с его личным составом.
    Премьер-министр айылдагы чек ара чырынан улам түзүлгөн абал менен таанышкан
    © Фото / пресс-служба правительства / Алишер Алиев
  • Мухаммедкалый Абылгазиев посетил пограничный пост Максат» и пообщался с его личным составом.
    Өкмөттүн мамлекеттик чек араларын делимитация, демаркациялоо иштерин күчөтүп, талаш тилкелер боюнча пайдалуу макулдашууга жетүүгө аракеттенип жатканы айтылды
    © Фото / пресс-служба правительства / Алишер Алиев
  •  Пограничный пост Максат в Лейлекском районе Баткенской области.
    Абылгазиев "Максат" чек ара постуна барып, өздүк курам менен маектешти
    © Фото / пресс-служба правительства / Алишер Алиев
  • Личный состав пограничного поста Максат
    Премьер-министр Кыргызстандын Мамлекеттик чек ара кызматынын атайын даярдыктагы "Бөрү" отрядынын аскер кызматчысы Равшан Муминовдун аскердик милдетин аткарууда курман болгондугуна байланыштуу туугандарына жана жакындарына көңүл айтты
    © Фото / пресс-служба правительства / Алишер Алиев
  • Премьер-министр Мухаммедкалый Абылгазиев посетил пограничный пост Максат и пообщался с его личным составом.
    Өкмөт башчы тажик тарап биринчи болуп ок чыгарган чек арадагы окуяда миномёт менен автоматтын огунан зыянга учураган бекеттин инфраструктурасын көрүп чыкты
    © Фото / пресс-служба правительства / Алишер Алиев
  • Пограничный пост Максат в Лейлекском районе Баткенской области.
    Андан соң Чек ара кызматынын тийиштүү жетекчилери менен жыйын өткөрдү.
    © Фото / пресс-служба правительства / Алишер Алиев
1 / 7
© Фото / пресс-служба правительства / Алишер Алиев
Премьер-министр Мухаммедкалый Абылгазиев Лейлек районундагы Максат айылынын жашоочулары менен жолугуп, чек ара маселесин жөнгө салуу көңүлдүн борборунда тургандыгын айтты

Премьер-министр айылдагы чек ара чырынан улам түзүлгөн абал менен таанышкан.

"Сиздер күн сайын чек ара маселелери, кээде урушка чейин жеткен учурлар менен бет келип, татаал шартта жашап жатасыздар. Сиздердеги туруктуулукка, эр жүрөктүүлүккө, чыдаган сабырыңызга, патриоттуулукка ыраазылык билдирем. Мамлекет үчүн чек ара маселелерин чечүү биринчи орундагы маанилүү жагдай. Бирок, тилекке каршы, бул бир жактуу процесс эмес", — деген Абылгазиев.

Өкмөттүн мамлекеттик чек араларын делимитация, демаркациялоо иштерин күчөтүп, талаш тилкелер боюнча пайдалуу макулдашууга жетүүгө аракеттенип жатканы айтылды.

"Биз бардык күчүбүздү чек ара маселелерин улуттук кызыкчылыкта чечүүгө жумшайбыз. Бул сыяктуу маселелер терең ойлонулган чараларды, таразаланган мамиле жана убакытты талап кыларын мойнубузга алууга тийишпиз. Алар конструктивдүү нукта, өз ара ишеним шарттарында жана эки жактуу кызыкчылыктарды эске алуу менен чечилүүгө тийиш", — деген министрлер кабинетинин башчысы.

Абылгазиев Максат чек ара постуна барып, өздүк курам менен маектешти.

Премьер-министр Кыргызстандын Мамлекеттик чек ара кызматынын атайын даярдыктагы "Бөрү" отрядынын аскер кызматчысы Равшан Муминовдун аскердик милдетин аткарууда курман болгондугуна байланыштуу туугандарына жана жакындарына көңүл айтты.

"Тилекке каршы, тынч заманда биздин аскерибиз каза таап, башкалары жаракат алышты. Бардык жабырлануучуларга зарыл көмөк көрсөтүлөт. Мен силердин өлкө үчүн өтөгөн кызматыңарга, мекенчилдигиңерге жана кайраттуулугуңарга ыраазымын", — деди Абылгазиев.

Өкмөт башчы тажик тарап биринчи болуп ок чыгарган чек арадагы окуяда миномёт менен автоматтын огунан зыянга учураган бекеттин инфраструктурасын көрүп чыкты. Андан соң Чек ара кызматынын тийиштүү жетекчилери менен жыйын өткөрдү. Чек ара аймактарында кырдаалды курчутпоо жана чыңалууну басаңдатуу үчүн чараларды кабыл алуунун, ошондой эле чек ара аймактарынан күчтөрдү чыгаруунун зарылдыгын белгиледи. Буга байланыштуу тараптар эки өлкөнүн ыйгарым укуктуу делегацияларынын ортосунда сүйлөшүү жүргүзүүнү демилгелешти.

Премьер-министр Максат айылынан эвакуацияланып, Эски-Оочу айылындагы Момунов атындагы мектепке жайгаштырылган жашоочуларга барып жолугуп, алардын өз үйлөрүнө кайтышы боюнча көрүлүп жаткан чаралар тууралуу айтып берди.

Эске салсак, 2019-жылдын 16-сентябрында кечке жуук тажик чек арачылары Лейлек районундагы Максат жана Сай чек ара бекеттерине ок аткан. Анын кесепетинен бир аскер каза болуп, 13 кишинин жаракат алганы кабарланган. Жабырлануучулардын жетөө аскер кызматкери болсо, алтоо — жай тургундар. Баарына медициналык жардам берилип, Исфана шаарындагы райондук ооруканадан 10 бейтап Бишкекке учак менен алып келинди. Эки аскердин абалы оор.

Тема:
Максат жана Сай чек ара бекеттерине атылган ок (40)

Тема боюнча

Жээнбеков: чек ара чырын эл аралык-укуктук алкакта чечели
Тажик тарап "Кулунду" көзөмөл өткөрүү жайын жапты
Белгилер:
чек ара, Мухаммедкалый Абылгазиев, Лейлек району, Баткен облусу, Кыргызстан

ЭҢ МААНИЛҮҮ