14:03 23 Аяк оона 2019
Түз эфир
  • USD69.8317
  • EUR77.1501
  • RUB1.0937
Уйлар. Архивдик сүрөт

Жумгал, Токтогул, Аксынын жайлоолоруна кар жаады. Малчылар жардам суроодо

© Sputnik / Владимир Вяткин
Коом
Кыскача шилтеме алуу
120 0 0

Сентябрдын башында Кыргызстандын бир катар тоолуу аймактарына калың кар жаап, жайлоодон көчө элек малчыларга бир топ түйшүк жараткан.

БИШКЕК, 13-сен. — Sputnik. Нарын облусунун Жумгал районундагы Ой-Кайың жайлоосунда 10-сентябрда калың кар жаап, он чабан мал-жандыктары менен калып калышкан.

ӨКМдин маалымат кызматынан кабарлагандай, малчыларды жакага түшүрүү үчүн куткаруучулар, милиция кызматкерлери, тез жардам кызматынан, мал доктурлар болуп жалпысынан 10 киши тартылган. Барган кишилер төрт малчыны аман-эсен кыштоого түшүрүшкөн. 13-сентябрда да жардам берүү иштери жүрөрү айтылды.

Ал эми Токтогул районунун Жапыртмак жайлоосуна 9-сентябрда калың кар жаап, эки чабан калып калган. 12-сентябрда алардын туугандары жардам сурап, куткаруучулар аларды коопсуз жерге көчүрүп келишкен.

10-сентябрда Аксы районундагы Кум-Бел менен Миң-Бугу жайлоосуна да кар түшкөн. Малчыларды көчүрүп келүүгө куткаруучулар, милиция кызматкерлери, малчылардын туугандары болуп жалпысынан 20дан ашык киши жөнөп кеткен. Чабандарды көчүрүү учурунда болжол менен 8 жылкы жана 13 баш кой өлгөн. Аталган жайлоодо калып калган малчыларга жардам берүү аракеттери бүгүн дагы уланат.

Тема боюнча

Суусамыр жайлоосунда карда калган малды алып чыгуу үчүн трактор тартылды
Ысык-Көлдөгү катуу шамал: башына шифер түшкөн адамга операция жасалды
Белгилер:
куткаруу, жайлоо, кар, мал, ӨКМ

ЭҢ МААНИЛҮҮ