09:53 21 Аяк оона 2019
Түз эфир
  • USD69.8317
  • EUR77.1501
  • RUB1.0937
Жол кыймылы коопсуздугун камсыздоо башкармалыгынын (ЖКККББ) кызматкерлери. Архив

Транспорт салыгын төлөбөгөндөрдү аныктоо үчүн рейд башталды

© Sputnik / Табылды Кадырбеков
Коом
Кыскача шилтеме алуу
170 0 0

Унаа салыгын төлөө мөөнөтү 2-сентябрда аяктаган.

БИШКЕК, 5-сен. — Sputnik. 4-сентябрдан баштап Мамлекеттик салык кызматы менен Жол кыймылы коопсуздугун камсыздоо башкармалыгынын (ЖКККББ) кызматкерлери транспорт салыгын төлөбөгөндөрдү аныктоо боюнча рейд баштады. Бул тууралуу Салык кызматынан кабарлашты.

"Бишкекте өткөрүлгөн бир күндүк рейд учурунда 430 автоунаа токтотулган, анын ичинен 68 айдоочунун унаа салыгын төлөбөгөндүгү аныкталды. Аларга карата тийиштүү актылар түзүлүп, 43 жаран салыкты ошол замат төлөдү", — деп айтылат билдирүүдө.

Салык кызматы рейд жүрүп жаткандыгына байланыштуу автоунаа ээлерине айдоочулук күбөлүк менен техпаспортунан тышкары салыкты төлөнгөндүгү тууралуу квитанцияны ала жүрүүсүн өтүнөт.

Эске салсак, 2-сентябрда транспорт салыгын төлөө мөөнөтү аяктаган. Ага карабастан, учурда транспорт салыгын жыйноо уланууда. Мыйзамга ылайык, убагында салык төлөбөгөн айдоочулар эми негизги салыктын суммасынан тышкары административдик айыпты (жеке тараптар 1 000 сом, юридикалык жактар 5 000 сом) жана ар бир күнгө туумду кошуп төлөйт.

Тема боюнча

Салык кызматы ишкерлер жашырып койгон 251 миң сомду тапты
Самыйбеков: салык төлөөчүлөр кааласа акылуу кызматтарды пайдалана алат
Үй менен автоунаага салык төлөй элексизби? Сентябрдан тарта рейд жүрөт
Транспорт үчүн кандай салык төлөшүңүз керек? Ыңгайлуу калькулятор
Белгилер:
рейд, айып, салык, автоунаа, Кыргызстан

ЭҢ МААНИЛҮҮ