БИШКЕК, 28-авг. — Sputnik. Эгемендүүлүк күнүнө карата "Ала-Тоо" аянтында майрамдык иш-чара уюштурулуп жатканына байланыштуу кээ бир көчөлөр убактылуу жабылат. Бул тууралуу мэриядан билдиришти.
28-августтан 30-августка чейин салтанатка даярдык көрүүдөн улам эртең мененки саат 9.00дөн 11.00гө чейин Чүй проспектисинин Эркиндик проспектисинен Панфилов көчөсүнө чейинки бөлүгү жабык болот.
Ал эми 31-август күнү саат 8.00дөн 12.00гө чейин, ошондой эле 19.00дөн 23.00гө чейин төмөнкү жолдор жабылат:
Чүй проспектисинин Тыныстановдон Тоголок Молдо көчөсүнө чейинки бөлүгү;
Киев көчөсүнүн Эркиндик проспектисинен Логвиненко көчөсүнө чейинки бөлүгү;
Фрунзе көчөсүнүн Панфиловдон Раззаков көчөсүнө чейинки бөлүгү;
Жогоруда аталган аймак менен чектешкен Абдымомунов көчөсү дагы жабылмакчы.
Мэрия айдоочуларды алдын ала альтернативдүү жолдорду тандап алууга чакырат.
