00:46 22 Жетинин айы 2019
Түз эфир
  • USD69.8500
  • EUR77.4357
  • RUB1.0941
Милиция кызматкерлери. Архив

Милиция Суусамырда мертинген бүлөнүн жоголгон 100 миң сому боюнча үн катты

© Sputnik / Табылды Кадырбеков
Коом
Кыскача шилтеме алуу
Бир үй-бүлө каза тапкан Суусамырдагы жол кырсык (6)
27200

Жол кырсыгынан каза болгон үй-бүлөнүн туугандары сумкасындагы 100 миң сом акчасын таппай жатканын айтышкан.

БИШКЕК, 22-авг. — Sputnik. Чүй облустук милициясы Суусамырдагы жол кырсыктан каза болгон үй-бүлөнүн туугандарына кайрылып, жоголгон акча боюнча туугандарын тез арада арыз жазууга чакырды.

Эскерте кетсек, 18-август күнү Бишкек — Ош трассасынын 174-чакырымында Man үлгүсүндөгү жүк ташуучу унаа жана Mazda CX-7 менен Honda Torneo үлгүсүндөгү жеңил автокөлүктөр кагышкан. Кырсыктан улам бензовоз оодарылып, эки жеңил унаа трассадан чыгып кеткен. Бензовоз менен Honda Torneo автосунун айдоочулары жабыркаган эмес. Ал эми Mazda CX-7 автосунун айдоочусу, анын келинчеги, эки баласы менен мерт болгон. Ал эми сегиз жаштагы кызы ооруканага жеткирилген.

Арадан үч күн өткөндөн кийин набыт болгон үй-бүлөнүн 100 миң сом акчасы жоголгонун туугандары билдирген. Алар кимдир бирөө кийим салган чоң сумкасын аңтарып акчаны алып кеткен деп шек саноодо.

"Жол кырысыгы болгон жерге катардагы жарандар, Жол кыймылы коопсуздугун камсыздоо башкармалыгынын инспекторлору жана ӨКМдин куткаруучулары барышкан. Алар акчаны кимдир бирөө алып коюшуна ишенбей жатат. Чүй ОИИББ тийиштүү териштирүүлөрдү жүргүзүү үчүн маркумдун туугандарын тез арада арыз жазууга чакырат", — деп айтылат маалыматта.

Кырсыктан набыт болгон бүлөнүн башчысы 37 жаштагы Илияз Абдыгапаров Ош облусунун Ноокат районунун Ынтымак айылынын тургуну. Буга чейин үй-бүлөсү менен Россиянын Жаңы Уренгой шаарында иштеп жүргөн. Эки ай мурда мекенине эс алууга келип, кайра кетүүгө камынып жаткан.

Тема:
Бир үй-бүлө каза тапкан Суусамырдагы жол кырсык (6)

Тема боюнча

Суусамырда кырсыктан набыт болгон бүлө. Туугандары 100 миң сомун таппай жатат
Депутаттын уулу аралашкан кырсык: көз жумган бир баланын ата-энеси доосунан кечти
Белгилер:
арыз, өлүм, акча, жоготуу, жол кырсыгы, милиция, Чүй облусу

ЭҢ МААНИЛҮҮ