Открытие редакционного центра Sputnik Кыргызстан в Бишкеке - Sputnik Кыргызстан
Пресс-борбор

КРде ракка кабылган балдарга алгач ирет тамчылатма морфин алынып келет

Жазылуу
Анткен менен фармацевттик компаниялар препаратты үзгүлтүксүз алып келүүгө коммерциялык жактан канчалык кызыкдар деген маселе бар.

БИШКЕК, 21-авг. — Sputnik. Үстүбүздөгү жылдын аягына чейин Кыргызстанга онкологиялык оорулар менен жабыркаган балдар үчүн тамчылатма морфиндин биринчи партиясын алып келүү пландалууда. Бул туурасында "Жардам берүү оңой" коомдук фондунун аткаруучу директору Динара Аляева билдирди.

Ал Sputnik Кыргызстандын мультимедиалык маалымат борборунда өткөн "Кыргызстанда тамчылатма морфинди колдонууга уруксат берилди. Ракка байланыштуу көйгөйлөр" аттуу маалымат жыйынга катышты.

Аляеванын айтымында, фонд муну ишке ашыруу үчүн үч жыл аракет көргөн.

"Тамчылатма морфин онкологиялык оору менен жабыркагандарга зарыл каражат, бөтөнчө илдети өнөкөт болуп калгандарга абдан керек. Бул тармакта иштеп жүрүп, балдардын оорусун басаңдатуу кыйын экендигин көрдүк. Мындан улам каттоо ишин өзүбүзгө алалы дедик. Тамчылатма морфин алгач ирет Саламаттыкты сактоо министрлигинин дары-дармек менен камсыздоо департаментинин реестрине каттоого алынды. Препараттын биринчи тобу өлкөгө 2019-жылдын аягына чейин келишин күтүп жатабыз", — деген Аляева.

Аляева ошондой эле фармацевттик компаниялар дарыны үзгүлтүксүз ташып келүүгө коммерциялык жактан канчалык деңгээлде кызыкдар деген маселе бар экендигин белгиледи.

Центр сердечно-сосудистой хирургии в Хабаровске - Sputnik Кыргызстан
Рак менен ооругандардын дары-дармегин оңой сатып алуу жолу каралууда
"Тамчылатма морфинди каттоо учурунда бир катар фармацевттик компанияларды алмаштырдык. Алар кирешеси аз экендигин айтып иштешүүдөн баш тартышты. Мүмкүнчүлүктөн пайдаланып, кыйынчылыктарга карабастан фармкомпанияларды кол сунууга чакырат элем", — деп белгилеген Аляева.

Ал ошондой эле препаратты алып келүүнүн башка жолдору бар экенин, аны ишке ашыруу үчүн мыйзам жол бериши керектигин белгилеген.

"Бул тармакта иш алып барган бир катар уюмдар бар. Алсак, Балдар хосписи, паллиативдик жардам берүү бирикмеси жана башкалар бар. Эгер аларга расмий түрдө тамчылатма морфинди алып келүүгө уруксат беришсе, көйгөй чечилмек", — деди ал.

Аляева аталган дарыны каттоодон өткөрүү "Без боли" долбоорунун алкагында ишке ашканын кошумчалады.

"Долбоор онкологиялык дарт менен жабыркаган балдардын оорусун жооткотууга көмөк көрсөтөт. 2014-жылдан бери бейтаптар ооруну сездирбей турчу кремдерди колдонот. Мындан тышкары, кандан анализ алууда оорутпай турчу ийнелерди алдык. Эми балдар коркпой эле процедурадан өтсө болот. Ошондой эле Онкология борборунун балдар бөлүмүнө баш сөөктөн пункция алуу үчүн наркоздук аппараттар келди", — деди Аляева.

"Жардам берүү оңой" коомдук фонду беш жылдан бери онкологиялык ооруларга чалдыккан балдарга жардам берип келет.

Жаңылыктар түрмөгү
0