21:33 16 Тогуздун айы 2019
Түз эфир
  • USD69.8500
  • EUR77.0865
  • RUB1.0855
Экс-депутат Аида Салянова. Архивдик сүрөт

Аида Салянова үй камагына кантип чыкканын айтты

© Фото / пресс-служба ЖК
Коом
Кыскача шилтеме алуу
245001

Экс-депутат 15-август күнү үй камагына чыккан.

БИШКЕК, 16-авг. — Sputnik. "Коррупциялык иштерге эч качан аралашкан эмесмин. Тергөө буга түшүнүү менен мамиле жасады". Экс-депутат Аида Салянова үй камагына чыгарылышына түшүндүрмө берип, билдирүүсүн социалдык тармактагы баракчасына жарыялады. 

Белгилей кетсек, Салянова кримтөбөл Азиз Батукаевдин Кыргызстандан чыгып кетиши боюнча козголгон кылмыш иштин алкагында 5-июнда камакка алынган. Биринчи Май райондук сотунун чечими менен 26-августка чейин тергөө абагында калтырылган болчу.

Ал эми кечээ, 15-август күнү, райондук сот Салянованы үй камагына чыгаруу боюнча чечим кабыл алган. ИИМдин маалымат кызматы экс-депутат тергөө менен кызматташууга макул болгонун маалымдаган

"Бир нерсени так айткым келет. Мен 73 күн камакта Атамбаевди коргогонумдан, ага жан тартканымдан отурган жокмун. Ал ага татыксыз. Менин камакта болгонумдун бир эле себеби бар — мен эч качан коррупцияга катышкан эмесмин. Азыр мага коюлган күнөөгө дагы тиешем жок. Ушунча убакыт чындык жеңет деп күттүм. Мен мурда айткан сөздөрүмдөн кайткан жокмун. Тергөө ага түшүнүү менен мамиле кылды", — деп жазган Салянова.

Мурунку башкы прокурор ушу тапта операцияга даярдана турганын, мындан улам көп убакытка чейин байланышууга мүмкүнчүлүгү жок болорун белгилеген.

Эске салсак, Салянова камактагы кезинде, 15-июнда, ден соолугуна байланыштуу Мирсаид Миррахимов атындагы Улуттук кардиология жана терапия борборуна жеткирилген. Дарыгерлер консилиумдан кийин "Салянова ооруканада болушу керек" деген чечим чыгарып, анын жүрөк-кан тамыр илдеттери менен жабыркай турганын маалымдашкан.

29-июнда ооруканадан №1 тергөө абагына кайрадан которулган. 31-июлда Жаза аткаруу мамлекеттик кызматы Салянова Кыргызстанда операция жасатуудан баш тарткандыгын билдирип, кийинчерээк экс-прокурордун адвокаты буга түшүндүрмө берген

Тема боюнча

Өч алышы мүмкүн. Адвокат Салянованын операциядан эмнеге баш тартканын айтты
Атамбаевдин камерадагы шарты менен абалы айтылды
Белгилер:
түрмө, Алмазбек Атамбаев, операция, Аида Салянова

ЭҢ МААНИЛҮҮ