17:43 19 Баш оона 2019
Түз эфир
  • USD69.7839
  • EUR77.4776
  • RUB1.0477
Председатель Государственной пограничной службы КР  полковник Уларбек Шаршеев встретился с пограничниками, получившими огнестрельные ранения во время инцидента на кыргызско-таджикском участке государственной границы 22-23 июля 2019 г.

Кыргыз-тажик чек арасындагы чырдан жабыркаган аскерлердин абалы айтылды

© Фото / пресс-служба ГПС КР
Коом
Кыскача шилтеме алуу
252 0 0

Учурда төрт аскер дарылануудан өтүп жатат.

БИШКЕК, 15-авг. — Sputnik. Мамлекеттик чек ара кызматынын төрагасы Уларбек Шаршеев 22-23-июлда кыргыз-тажик чек ара тилкесинде болгон чыр-чатак учурунда жаракат алган чек арачылар менен жолугушту. Бул тууралуу аталган ведомстводон кабарлашты.

Билдирмеге караганда, төрт жоокер Коргоо иштери боюнча мамлекеттик комитетине караштуу Беш-Күнгөй айылындагы аскердик госпиталда дарыланып жатат. Ал эми Мамлекеттик чек ара кызматынын чек ара ыйгарым укуктуу өкүлү - жарандык кызматкер Ысык-Ата районундагы санаторийде дарыланууда. Учурда алардын абалы канааттандырарлык.

"Ведомствонун башчысы ар бир аскер кызматкери менен маектешип, милдеттерин кынтыксыз аткаргандыктары үчүн ыраазычылык билдирди", — деп айтылат маалыматта.

Эске салсак, 22-июлда Ак-Сай (Кыргызстан) менен Ворух (Тажикстан) айылдарынын жашоочуларынын ортосунда чыр чыккан. Ворухтун тургундары кыштактын кире беришине флагшток орнотмокчу болушканда аксайлыктар каршы чыккан. Кайым айтышуу учурунда бири-бирин ташка алып, ок атылган. Мунун кесепетинен 14 кыргызстандык жаракат алган болчу.

Ал эми 23-июлда тажик тараптан эки ирет ок атылып, кыргызстандык чек арачылардын бирөө жарадар болгон.

Тема боюнча

Чек ара кызматы: көзөмөл-өткөрүү пунктулары штаттык режимде иштеп жатат
Жээнбеков Рахмон экөө чек арадагы эл менен кантип жолукту. Сүрөт-репортаж
Белгилер:
жабыркоочулар, чек ара

ЭҢ МААНИЛҮҮ