16:21 23 Аяк оона 2019
Түз эфир
  • USD69.8245
  • EUR76.6533
  • RUB1.0919
Алмазбек Атамбаевдин Кой-Таштагы үйү

Атамбаевдин Кой-Таштагы үйү талап-тонолдубу? Милиция маалымат таратты

© Sputnik / Табылды Кадырбеков
Коом
Кыскача шилтеме алуу
Атамбаевдин Кой-Таштагы үйүндөгү атайын операция (156)
1981 0 0

7-8-август күндөрү күч түзүмдөрү Алмазбек Атамбаевди кармоо боюнча атайын операция жүргүзгөн. Натыйжада мурунку президенттин тарапташтары катуу каршылык көрсөтүп, ок атылган.

БИШКЕК, 9-авг. — Sputnik. Аламүдүн районунун жогору жагында абал тынч, толук милициянын көзөмөлүндө. Бул тууралуу Чүй облустук милициясы билдирди.

Эскерте кетсек, 7-8-август күндөрү күч түзүмдөрү Алмазбек Атамбаевди Кой-Таш айылындагы үйүнөн алып кетүү үчүн атайын операция жүргүзгөн. Мурунку президенттин тарапташтары катуу каршылык көрсөтүп, ок атылган. Натыйжада спецназдын бир жоокери каза таап, 100гө чукул киши ар кандай жаракат алган.

Милициянын маалыматында айрым ЖМКлар Атамбаевдин үйүндө мародёрлук катталганын жазып чыгышканы айтылат. Укук коргоо органдары мындай кабар чындыкка дал келбей турганын билдирди.

"Учурда мародёрлук фактылары катталган эмес. Башка дагы мыйзамсыз аракеттер болгон жок. Коомдук тартипке милиция кызматкерлери көз салууда", — деп айтылат маалыматта.

Белгилей кетсек, Алмазбек Атамбаевди Биринчи Май райондук соту 26-августка чейин камакта калтырды.

Тема:
Атамбаевдин Кой-Таштагы үйүндөгү атайын операция (156)

Тема боюнча

Курсан Асанов Атамбаевдин үйүндөгү курал-жаракты кантип өткөрүп алды. Видео
Атамбаевди кармоо учурунда көз жумган жоокер акыркы сапарга узады. Видео
Белгилер:
ИИМ, талап-тоноо, милиция, Алмазбек Атамбаев, Кой-Таш

ЭҢ МААНИЛҮҮ