14:38 20 Баш оона 2019
Түз эфир
  • USD69.7839
  • EUR77.4776
  • RUB1.0477
Ысык-Көл. Архив

Туристтик альянс: Кой-Таштагы окуядан кийин көлгө келүүдөн баш тарткандар арбыды

© Sputnik / Табылды Кадырбеков
Коом
Кыскача шилтеме алуу
611 0 0

Туристтер Кыргызстандагы кырдаалга абдан тынчсызданып жатканын билдирүүдө.

БИШКЕК, 9-авг. — Sputnik. Кой-Таш айылындагы окуялардын айынан Ысык-Көлгө келчү чет өлкөлүк айрым туристтер сапардан баш тартууда. Бул тууралуу Sputnik Кыргызстан агенттигине Кыргызстандын Туристтик альянсынын жетекчиси Медер Тилекматов тастыктады.

Редакцияга окурмандар "митингдердин айынан Ысык-Көлдөгү пансионат жана конок үйлөрүндө бөлмө брондоп койгон туристтер келүүдөн баш тартып жатканы айтылууда. Бул чынбы?" деген суроо менен кайрылышкан.

"Чындап эле туристтер Ысык-Көлгө келүүнү пландап, ээлеп койгон орундарынан баш тарткан фактылар көп. Мага конок үйлөрүнүн ээлери жана башкаруучулары кайрылууда", — деди Тилекматов.

Ошондой эле ал өз сөзүнө далил катары көлдүк ишкерлер эс алуучулар менен мессенджерлер аркылуу жазышкан каттарын берди.

Переписка директора туристического альянса с клиентом
скриншот с мессенджера WhatsApp
Переписка директора туристического альянса с клиентом

Анда жазылгандарга караганда, чет элдик туристтер Кыргызстанда болуп жаткан кырдаалга тынчсызданып, атургай өз өлкөсүнүн Тышкы иштер министрлиги барбай эле коюуну сунуштаганын жазат. Дагы бири "сиздерде согуш болуп жатабы?" деген суроо салган.

Переписка директора туристического альянса с клиентом
скриншот с мессенджера WhatsApp
Переписка директора туристического альянса с клиентом

Ал эми Туризм департаментинин жетекчиси Максат Дамир уулу чындап эле Ысык-Көлгө келүүдөн баш тарткандар болуп жатканын, бирок анчалык көп эмес экенин айтты.

"Албетте, келүүдөн баш тарткандар таптакыр болгон жок деп айтууга болбойт, бирин-серин болуп жатат. Бирок массалык түрдө туристтерден кол жуудук деп айтуудан алысмын", — деди Дамир уулу.

Эске салсак, 7-8-август күндөгү Чүй облусунун Кой-Таш айылында күч структуралары тараптан мурдагы президент Алмазбек Атамбаевди кармоо боюнча атайын операциялар жүргүзүп, башаламандык жаралган.

Акыркы маалыматтарга караганда, укук коргоочулар менен элдин кагылышында 98 киши жаракат алып, спецназдын бир жоокери каза болгон.

Атамбаев кармалган 8-августтун кечинде анын тарапташтары делген адамдар Бишкектин борбордук көчөлөрүнө чыгып, башаламандык уюштурууга аракет кылган.

Тема боюнча

Милиция түндө башаламандык уюштурду деп 40 кишини кармады
Атамбаевди кармоо учурунда көз жумган жоокер акыркы сапарга узады. Видео
Белгилер:
митинг, туризм, Ысык-Көл

ЭҢ МААНИЛҮҮ