Миграциянын кыргызстандык аялдарга тийгизген терс таасири айтылды

© AFP 2023 / Johannes EISELE Празднование Лунного Нового года в Шанхае
Празднование Лунного Нового года в Шанхае - Sputnik Кыргызстан
Жазылуу
Форумга ар кыл өлкөлөрдөгү кыргызстандык диаспоралардын өкүлдөрү катышкан.

БИШКЕК, 7-авг. — Sputnik. Кыргызстандык мигранттардын 60 пайызын кыз-келиндер түзөт. Бул тууралуу Екатеринбургдагы "Кыргызстан - Урал" коомдук уюмунун мүчөсү Гүлшан Дөөлөнбаева Sputnik Кыргызстан радиосуна маек куруп жатып айтты.

Замандаш ассоциациясынын Россиядагы өкүлү Руслан Эшимов - Sputnik Кыргызстан
Радио
Эшимов: үйүн туугандарына жаздырып, сызга отурган мекендештер көп
Белгилей кетсек, 2-августта Кыргызстанда президент Сооронбай Жээнбековдун катышуусу менен чет өлкөдөгү мекендештер менен байланышуу боюнча кеңештин биринчи жыйыны болуп өттү. Форумга дүйнө өлкөлөрүндө иш алып барган кыргызстандык диаспоралардын өкүлдөрү келген.

Дөөлөнбаеванын айтымында, иш-чарада экономикалык кырдаал жана инвестиция тартуу жаатында көбүрөөк кеп болгону менен миграциядагы аялдардын маселеси курч бойдон калууда.

"Кыргызстандык мигранттардын 60 пайызын кыз-келиндер түзөт. Алардын арасында кош бойлуулар, көп балалуулар, өспүрүм кыздар, жалгыз бой аялдар бар. Миграциядан улам алардын ден соолугу жабыркап жатат, ажырашуулар көбөйдү, ВИЧ, кургак учук сыяктуу ооруларды жуктуруп алгандар арбыды", — деди Дөөлөнбаева.

Ал Россияда саламаттыкты сактоо тармагында иштегендиктен, үй-бүлөсү же жумушундагы жетекчиси тарабынан зордук-зомбулукка кабылып, ооруканага кайрылган кыргызстандык кыз-келиндерди күнүгө кезиктире турганын кошумчалады.

Жаңылыктар түрмөгү
0