07:20 18 Жетинин айы 2019
Түз эфир
  • USD69.8500
  • EUR76.9922
  • RUB1.0933
Тапанча. Архив

Мас милиционер кызматтык куралын жоготуп алганбы? Чүй облустук милициянын жообу

© Sputnik / Табылды Кадырбеков
Коом
Кыскача шилтеме алуу
140 0 0

Учурда Сокулук райондук ички иштер бөлүмүнүн ыкчам кызматкерине кызматтык териштирүү жүрүп жаткандыгы, анын жыйынтыгы менен тийиштүү чаралар көрүлөрү айтылды.

БИШКЕК, 27-июл. — Sputnik. Айрым ЖМКлар 26-июлга караган түнү Сокулук райондук ички иштер бөлүмүнүн кызматкери ичип алып куралын жоготуп койгондугун, аны кийинчерээк Бишкектин тургуну таап алгандыгын жазышкан. Чүй облустук ички иштер башкы башкармалыгы аталган маалымат туура эмес экендигин билдирди.

"26-июлда Ленин райондук бөлүмүнө Сокулук районунун ыкчам кызматкери Б.Б. рапорт менен кайрылган. Анда ал борбордон белгисиз адамдар унаасындагы сумкасын уурдап алганын, анын ичинде тапанча, кызматтык күбөлүгү жана акчасы болгондугун билдирген. Окуя 26-июль күнү түндө болсо, күндүз өтүп бара жаткан адам тапанчаны таап, милицияга алып келип берген", — деп айтылат маалыматта.

Ошондой эле Чүй облустук милициясы кызматкери мас болчу деген маалыматты төгүндөдү. Укук коргоо өкүлү Б.Б. Ички иликтөө кызматы менен медициналык текшерүүдөн өткөндүгү, анын мас болбогондугу тастыкталганы айтылат.

Учурда Сокулук райондук ички иштер бөлүмүнүн ыкчам кызматкерине кызматтык териштирүү жүрүп жаткандыгы, анын жыйынтыгы менен тийиштүү чаралар көрүлөрү белгилүү болду. Аталган факты Кылмыш жана жоруктардын бирдиктүү реестрине катталды. Маалыматта калыс тергөө максатында материалдарды УКМКга берүү үчүн прокуратурага жөнөтүлгөнү айтылды. 

Тема боюнча

Белгисиз милиционер эмгек шарты боюнча президентке даттандыбы? ИИМдин жообу
Белгилер:
тапанча, кызматкер, Сокулук району, Чүй ИИББ

ЭҢ МААНИЛҮҮ