Нарындын башчысы Солтон-Сарыдагы кытай компаниясы ишти токтото электигин айтты

© Фото / пресс-служба полпредства правительства КР в Нарынской областиПолномочный представитель правительства КР в Нарынской области Аманбай Кайыпов
Полномочный представитель правительства КР в Нарынской области Аманбай Кайыпов - Sputnik Кыргызстан
Жазылуу
Жергиликтүү эл кытай компаниясынын ишин токтотууну талап кылышууда. Алардын айтымында, тоодогу жардыруулардан улам мал, жандыктар жапырт өлүп жатат.

БИШКЕК, 18-июл. — Sputnik. Солтон-Сары чуусу боюнча эл чогулуп "Zhong Ji Mining Company" кытай-кыргыз ишканасы ишин токтотсун» деген талап коюп жатат. Бул тууралуу өкмөттүн Нарын облусундагы ыйгарым укуктуу өкүлү Аманбай Кайыпов Бишкекте журналисттерге маалымат берип жатып билдирди.

"Учурда компания ишин токтоткон жок. Элге атайын комиссиянын иши аяктагыча күтө тургула деп сурандык. Буга беш күн талап кылынат", — деди Кайыпов.

Алтын казуу. Архив - Sputnik Кыргызстан
Нарында кырылган мал... Алтын кенин иштеткен кытай ишканасы тууралуу 7 факты
Буга чейин Нарын облусунун Солтон-Сары кенинен анча алыс эмес жайгашкан үч айылдын тургундары кой-козунун жапырт кырылып жатканын билдиришкен. Буга мал ээлери кытайлык ишкананы күнөөлөп жатат. Иштин чоо-жайын аныктоо үчүн атайын комиссия түзүлгөн. Ага жергиликтүү бийлик өкүлдөрү, кытай компаниясынын кызматкерлери жана жай тургундар кирген.

Алтын кенин иштеткен кытай ишканасы тууралуу 7 факты менен таанышыңыз.

Жаңылыктар түрмөгү
0