Мэрия: быйыл Комсомол көлүндө сууга түшүү сезону ачылбайт

© Sputnik / Табылды КадырбековОзеро Комсомольское в Бишкеке.
Озеро Комсомольское в Бишкеке. - Sputnik Кыргызстан
Жазылуу
Муниципалитет анын себебин түшүндүрүп берди.

БИШКЕК, 10-июл. — Sputnik. Быйыл Комсомол көлүндө сууга түшүү сезону ачылбайт. Бул тууралуу Sputnik Кыргызстан агенттигине "Шаардын парктары" муниципалдык ишканасынын директору Калича Умуралиева билдирди.

Кыргызстанда жыл башынан бери 40 киши сууга чөктү. ӨКМдин эскертүү видеосу - Sputnik Кыргызстан
Кыргызстанда жыл башынан бери 40 киши сууга чөктү. ӨКМдин эскертүү видеосу
Жыл сайын Кара-Жыгач токоюнда жайгашкан Пионер жана Комсомол көлдөрүндө сууга түшүү сезону июнь айынын башында ачылат. Бирок аталган эки көлмө тең ачыла элек. Ал эми мэрия Санитардык-эпидемиологиялык көзөмөлдөө борборунун сунуштары аткарылбай, куткаруу каражаттары сатылып алынбагандыктан сууга түшүү сезонун ачуу создуктурулуп жатканын белгиледи.

"Комсомол көлүн ача албайбыз, анткени анын түбүн тазалоо боюнча тийиштүү талаптар аткарылбай жатат. Ал үчүн алты миллион сом керек. Азыр кийинки сезонго даярданып жатабыз", — деди Умуралиева.

Анын айтымында, Пионер көлмөсүнө тийиштүү каражаттар алынып, куткаруучулар тандалды. Учурда алар даярдыктан өтүп жатышат. Көлмө шаардыктар үчүн 15-июлдан тарта иштей баштайт.

Жаңылыктар түрмөгү
0