Жээнбеков Иркутскидеги абал боюнча Путинге көңүл айтты

© Sputnik / Табылды КадырбековПрезидент Сооронбай Жээнбеков Россия лидери Владимир Путин менен жолугушуу учурунда. Архив
Президент Сооронбай Жээнбеков Россия лидери Владимир Путин менен жолугушуу учурунда. Архив - Sputnik Кыргызстан
Жазылуу
Азыркы учурда кырсыктын кесепеттерин жоюу иштери жүрүүдө.

БИШКЕК, 2-июл. — Sputnik. Президент Сооронбай Жээнбеков Россия лидери Владимир Путинге Иркутск облусундагы адам өлүмүнө алып келген табигый кырсыктан улам көңүл айтты. Бул тууралуу өлкө башчынын маалымат кызматы билдирди.

Эскерте кетсек, аталган аймакта суу ташкындап, 14 киши каза тапты. РФтин Өзгөчө кырдаалдар министрлигинин маалыматы боюнча дагы 13 киши дайынсыз болууда. 42 калктуу конуштагы 4000ге чукул үй суу алдында калган. Ушу тапта Иркутскиде өзгөчө кырдаал жарыяланган.

Жээнбеков суу каптоонун натыйжасында адамдардын курман болгондугу тууралуу маалыматты терең кайгыруу менен кабыл алганын айткан.

"Курман болгондордун туугандарына жана жакындарына көңүл айтуумду жана колдоо сөздөрүмдү, ошондой эле бардык жабыркагандардын тез арада сакайып кетишин каалай турганымды билдирип коюуну өтүнөм", — деп айтылат телеграммада.

Азыркы учурда кырсыктын кесепеттерин жоюу иштери жүрүүдө.

Жаңылыктар түрмөгү
0