Улуттук гвардияда иштейм деп чатак салган киши милицияга келди

Жазылуу
Эркек киши Улуттук гвардияда иштегенин, бирок жумуштан кетип жатканда күбөлүгүн калтырбаганын айтып берди.

БИШКЕК, 14-июн. — Sputnik. Улуттук гвардиянын күбөлүгү менен тапанчасын көрсөтүп, мас абалында автоунаа айдаганы видеого түшүп калган киши милицияга келди. Бул тууралуу шаардык милициянын маалымат кызматынын өкүлү Улан Жумаков билдирди.

Эскерте кетсек, буга чейин акча төлөп балык уулаган жайдын аймагынан бир нече киши мас адамды токтоткон видео тараган. Анда айдоочу ичип алганын айтып, Улуттук гвардиянын лейтенанты деген күбөлүгүн көрсөткөн. Мындан сырткары, тапанчасын алып чыгып, ага "баары бир" экенин айткан.

Мындан соң Улуттук гвардия дароо билдирүү таратып, күбөлүк жасалма экенин жана аталган киши гвардиянын кызматкери болбогонун белгилеген.

"ЖМКларга чыккан видеодон кийин 14-июнь күнү болжол менен саат 15.30дарда милицияга 28 жаштагы Ж.Т. аттуу жаран өз ыктыяры менен келди. Ал роликтеги адам экенин мойнуна алып, окуя 13-июнь күнү, болжол менен саат 22.00дөрдө Аламүдүн районундагы Ала-Арча суусунун жанында болгонун айтып берди", — деди Жумаков.

Айт намаздагы милиция кызматкерлери - Sputnik Кыргызстан
Бишкекте айт намазга тапанча менен бычак алып келгендер кармалды. Сүрөт
Милицияга келген кишинин айтымында, ал көлмөдөн чыгып келе жатканда төрт эркек киши менен бир аял асыла баштаган. Коркуп кетип, ал эски күбөлүгү менен оюнчук тапанчасын алып чыккан. Эркек киши эч убакта милицияда иштебегенин, бирок 2016-17-жылдары Улуттук гвардияда кызмат өтөп, кетип жатканда күбөлүгүн таштабай койгонун айтып берген.

Ушу тапта милиция кызматкерлери окуянын чоо-жайын тактап жатат.

Жаңылыктар түрмөгү
0