Орок айылындагы абал — экинчи күн - Sputnik Кыргызстан

Орок айылындагы абал — экинчи күн

Жазылуу
Орок айылында 5-июнда болжол менен саат 8:30дар чамасында Айт намаздан кийин өспүрүмдөр айтыша кетип, кийин ал мушташка чейин жеткен.

Милициянын маалыматы боюнча, эки өспүрүм ооруканага жаткырылган, алардын абалы туруктуу.

Аталган факты Кылмыштардын жана жоруктардын бирдиктүү реестрине Кылмыш жаза кодексинин 266-беренеси боюнча ("Бейбаштык") каттоого алынган. Учурда абал туруктуу.

Алгач жаңыларыАлгач эскилери
15:12 06.06.2019

Айылдыктарды араздаштырган жаңжал чечилди. Бирок милиция кызматкерлери айылда бир топко чейин болот. Укук коргоо органдары жергиликтүү элдин коопсуздугун камсыз кылып турушат.

Ситуация в селе Орок Сокулукского района  - Sputnik Кыргызстан
15:09 06.06.2019

Орок айылында чогулган эл акырындык менен тарап жатканын Sputnik агенттигинин кабарчысы билдирди. Эркектер бири-бири менен кол алышып, эгер пикир келишпестиктер болсо аны футбол аянтында топ тээп чече турган болушту.

15:08 06.06.2019

Чүй облусундагы өкүлүнүн биринчи орун басары Элкинбек Аширбаев сүйлөшүүнүн жыйынтыктар тууралуу айтып берди.

15:03 06.06.2019

Жаңжалга катышкандардын экөө Сокулук РИИБинде кармалып турганын өкмөттүн Чүй облусундагы өкүлүнүн биринчи орун басары Элкинбек Аширбаев билдирди. Анын айтымында, жаракат алган эки бала Бишкектеги балдардын клиникалык ооруканасында.

14:57 06.06.2019

"Бир пикирге келдик. Тараптар бир-бирине дооматы жок экенин айтышты. Биринчи кезекте айылдыктарга ынтымак керек, буга эки тарап тең макул. Алар бири-бирин кечиришти. Аксакалдар элдешти эми жаштар да ошого барат деп үмүттөнөбүз. Учурда айылда абал тынч", - деди өкмөттүн Чүй облусундагы өкүлүнүн биринчи орун басары Элкинбек Аширбаев.

Ситуация в селе Орок Сокулукского района - Sputnik Кыргызстан
14:53 06.06.2019

Учурда милиция кызматкерлери Орок айылында.

Ситуация в селе Орок Сокулукского района  - Sputnik Кыргызстан
14:50 06.06.2019

Жергиликтүү мечиттин жанында тийиштүү кишилер ортосунда сүйлөшүү болду. Ага айыл аксакалдары да катышты. Өкмөттүн Чүй облусундагы өкүлчүлүгүнүн кызматкери жаңжал боюнча эки тарап бир пикирге келгенин айтты.

 

Жаңылыктар түрмөгү
0