18:14 13 Жетинин айы 2019
Түз эфир
  • USD69.8500
  • EUR76.8979
  • RUB1.0880
Президент Сооронбай Жээнбековдун архивдик сүрөтү

Сооронбай Жээнбеков балдар кандай болуп чоңоюшу керектигин айтты

© Sputnik / Табылды Кадырбеков
Коом
Кыскача шилтеме алуу
146 0 0

Бүгүн дүйнөнүн бир катар мамлекеттеринде Балдарды коргоонун эл аралык күнү белгиленүүдө.

БИШКЕК, 1-июн. — Sputnik. Президент Сооронбай Жээнбеков кыргызстандыктарды 1-июнь — Балдарды коргоонун эл аралык күнү менен куттуктады.

Президент балдар калктын аярлуу бөлүгү катары мамлекет тарабынан өзгөчө мамилеге муктаж экенин баса белгилеген.

"Ар бир баланын татыктуу жашоого жана кеңири келечекке ээ болуу укугун камсыздоо —коомубуздун да, мамлекеттин да негизги милдети. Үй-бүлөдөгү мыкты тарбия — коомдун руханиятынын асылдыгынын, мамлекеттин бекемдигинин булагы. Биздин балдарыбыз ата-энесинин жана жакындарынын мээримине бөлөнүп, бактылуу балалыктын доорун үй-бүлө чөйрөсүндө сүрүшү керек", — деп айтылат мамлекет башчысынын куттуктоосунда.

Жээнбеков андан сырткары балдардын ар дайым асманы ачык, маанайы жарык болушуна тилектеш экенин билдирген.

"Акылдуу, чынчыл, адептүү, ата-энеңерге кайрымдуу, билимдүү жана мекенчил болуп чоңойгула!" — деди президент.

Кыргызстан 25 жыл мурда Бириккен Улуттар Уюмунун баланын укуктары жөнүндө Конвенциясын ратификациялаган.

Тема боюнча

Өкмөт менчик бала бакчага барчулардын жарым акчасын төлөмөй болду. Шарты
Бүгүн Бишкекте 170 окуучу катышкан ири фестиваль өтөт
Белгилер:
куттуктоо, балдар, Сооронбай Жээнбеков

ЭҢ МААНИЛҮҮ