21:22 16 Аяк оона 2019
Түз эфир
  • USD69.8099
  • EUR77.2028
  • RUB1.0937
Жогорку Кеңеш. Архивдик сүрөт

"КТ Мобайл" ишканасынын маселесин жабык эшик артында кароо сунушталды

© Sputnik / Табылды Кадырбеков
Коом
Кыскача шилтеме алуу
63 0 0

Айрым эл өкүлдөрү эгер жыйын жабык эшик артында карала турган болсо, депутаттык комиссиянын курамынан чыгып кетишерин айтышты.

БИШКЕК, 31-май — Sputnik. Жогорку Кеңештин депутаты Гүлшат Асылбаева "КТ Мобайл" ишканасынын айланасында түзүлгөн депутаттык комиссиянын жыйынын жабык эшик артында кароону сунуштады. Себеби жыйын учурунда айрым купуя делген маалыматтар айтылышы ыктымал экендигин жүйө келтирди.

Бирок депутаттар Жанар Акаев, Мирлан Жээнчороев жана Алмамбет Шыкмаматов бул жерде жашыра турчу эч нерсе жок экенин айтып, керек болсо жыйынды "Парламент" радиосу түз алып бериши керектигин белгилешти.

"Эгер жыйынды жабык эшик артында карасак, чечимибиз легитимсиз болуп калат. "Бармак басты, көз кысты" болуп, эл бизге ишенбейт", — деди Шыкмаматов.

Ал эми эл өкүлү Марлен Маматалиев жыйындын биринчи бөлүгүн ачык, экинчи бөлүгүн жабык эшик артында кароону сунуштады.

Ал эми депутат Рыскелди Момбеков коммерциялык сыр менен мамлекеттик сырдын айырмасы бар экенин, жарымын жабык, жарымын ачык кылуунун кажети жоктугун айтты. Себеби бул жердеги маселе эбак эле ачылып калганын билдирди.

"Бул маселе ачылып бүтпөдүбү.  Бекинип алып жыйын өткөрүүнүн канчалык зарылчылыгы бар? Жыйын бүткөндөн кийин силер айтпасаңар да мен айтып коюшум мүмкүн", — деди Момбеков.

Талкуу учурунда эл өкүлү Мирлан Жээнчороев эгер жыйын жабык эшик артында карала турган болсо, депутаттык комиссиянын курамынан чыгып кетерин эскертти.

Жыйынтыгында талашып-тартышуудан кийин жыйын ачык жүрмөй болду.

Эске салсак, "КТ Мобайл" мамлекеттик ишканасынын жетекчилиги компаниянын айланасындагы чырдан улам кызматтан кетүүгө аргасыз болгон. Аталган компаниядагы иштерди иликтөө боюнча депутаттык комиссия түзүлгөн болчу.

Тема боюнча

Ишене албайм! Абылгазиев "КТ Мобайлга" аралашкан бажасы боюнча үн катты. Видео
Маяна чуусунан кийин "КТ Мобайл" жетекчилиги отставкага кетти
"КТ Мобайл" ишканасынын ишмердигин текшерчү депутаттардын тизмеси бекиди
Белгилер:
комиссия, коррупция, Жогорку Кеңеш, "КТ Мобайл" ЖЧКсы

ЭҢ МААНИЛҮҮ