03:35 22 Тогуздун айы 2019
Түз эфир
  • USD69.7890
  • EUR77.9334
  • RUB1.0945
Бала бакча. Архивдик сүрөт

Мамлекет бала бакчанын жарым акчасын төлөйт. Муктаж үй-бүлөлөр үчүн долбоор

© Sputnik / Владимир Астапкович
Коом
Кыскача шилтеме алуу
141 0 0

Социалдык долбоорду 1-июндан тарта ишке киргизүү пландалууда.

БИШКЕК, 25-май — Sputnik. Бишкек шаарында мектепке чейинки билим берүүнү камсыздоо жаатында социалдык долбоор башталарын Билим берүү жана илим министрлигинен билдиришти.

Маалыматка ылайык, 1-июндан тарта мектепке чейинки билим берүү мүмкүнчүлүгүн кеңейтүү максатында, мамлекет жеке менчик бала бакчалардагы төлөмдүн 50 пайызын өзүнө алууга даяр. Муну менен аялуу катмардагы үй-бүлөлөргө колдоо көрсөтүүгө белсенүүдө.

Социалдык кызмат төмөнкү категориядагы, 3төн 5 жашка чейинки курактагы балдарга каралган:

  • Көп балалуу үй-бүлө (5 жана андан көп баласы бар);
  • Аз камсыз үй-бүлө;
  • Баккан адамынан айрылган, үй-бүлөнүн жалпы кирешеси 12 миң сомдон кем болгон;
  • Ата-энесинин бирөө I же II топтогу майып;
  • Ата-энесинин бирөө же экөө тең мамлекеттик, муниципалдык кызматкер жана алардын ар биринин орточо айлык акысы 12 миң сомдон кем.

Жогорудагы категорияга кирген ата-энелер Билим берүү министрлигине табыштама жиберип, 50 пайыздык жеңилдик ала алат. Табыштаманын формасы жана керектүү документтердин тизмеси министрликтин сайтына жайгаштырылган.

Тема боюнча

Педагогдорго ссуда берилсин. Депутаттын бала бакча көйгөйүн чечүү боюнча сунушу
Белгилер:
долбоорлор, бала бакча, мамлекет, үй-бүлө, муктаждар

ЭҢ МААНИЛҮҮ