Карап эле тургуң келет. Бишкектин ботаникалык багында өсүмдүктөр көргөзмөсү өтөт

© Sputnik / Табылды КадырбековБотанический сад на улице Горького в Бишкеке
Ботанический сад на улице Горького в Бишкеке - Sputnik Кыргызстан
Жазылуу
Бишкектиктер менен калаа коноктору бул аптанын эс алуу күндөрү Горький көчөсүндөгү Ботаникалык бакка барып, андагы сейрек кездешкен өсүмдүктөрдү көрө алышат.

БИШКЕК, 22-май — Sputnik. Энвер Гареев атындагы Ботаникалык бакта экзотикалык өсүмдүктөрдүн көргөзмөсү өтөт. Бул туурасындагы маалымат аталган мекеменин Facebook тармагындагы расмий баракчасында кабарланды.

Экспозициянын 25-26-майда Горький, 212а дарегинде өтө турганы жана саат 10:00дөн кечки 16:00гө чейин болору айтылган.

Каалагандар ар кыл өсүмдүктөрдү көрүп, Ботаникалык бактын илимий кызматкерлеринен аларды кантип өстүрүү жана көбөйтүү, кароо жаатындагы кеп-кеңештерди алышат.

"Саны анча деле көп эмес кызматкерлерибиздин эмгегинин аркасында бизде гүлдөрдүн, декоративдүү өсүмдүктөрдүн экзотикалык түрлөрү бар. Аларды карап эле тургуң келет", — деп айтылат маалыматта.

Бул күндөрү оранжереяда акы төлөп жасалган экскурсиялар уюштурулат. Ал чоңдор үчүн 50, ал эми мектеп жашындагы балдар жана бөбөктөр үчүн 20 сом.

Жаңылыктар түрмөгү
0