17:00 22 Аяк оона 2019
Түз эфир
  • USD69.8317
  • EUR77.1501
  • RUB1.0937
Коом

Президент Москвада капчык ээсин 8 саат күткөн мигранттын апасын сыйлады. Фотофакт

Кыскача шилтеме алуу
1813 0 0
Президент Сооронбай Жээнбеков Энелер күнүнө карата Москвада кардардын унутуп кеткен капчыгын кайтарган таксист Кайрат Тентимишевдин апасына бүгүн ыраазычылык кат тапшырды.
© Пресс-служба президента КР / Султан Досалиев

Өткөн жылдын аягында Кайрат Тентимишевдин нысаптуулугу тууралуу бир нече ЖМКлар жазып, маалымат КМШ өлкөлөрүнө тарап, алкоого татыган.

Президент Сооронбай Жээнбеков Энелер күнүнө карата Москвада кардардын унутуп кеткен капчыгын кайтарган таксист Кайрат Тентимишевдин апасына бүгүн ыраазычылык кат тапшырды. Бул туурасында мамлекет башчынын маалымат кызматынан билдиришти.

Маалыматка ылайык, бүгүн, 18-майда, президент көп балалуу 9 апаны Баатыр эне ордени жана өлкөнүн намысын коргоп жүргөн татыктуу жаштардын энелерин ыраазычылык каттар менен сыйлаган. Алардын арасында Москвада капчыгын унутуп кеткен кардарын 8 саат күтүп кайтарып берген кыргызстандык мигранттын апасы да бар.

"Президент чет өлкөдө эмгектенип, өзүнүн жасаган жакшы иши менен жалпы Кыргызстан эли үчүн сый жана ишеним алып келген Кайрат Тентимишевдин апасы Клара Тентимишевага алкыш айтуу менен ыраазычылык кат тапшырды", — деп айтылат маалыматта.

Эске салсак, 2018-жылдын ноябрь айында Кайрат Тентимишевдин нысаптуулугу тууралуу бир нече ЖМКлар жазып, маалымат КМШ өлкөлөрүнө тарап, алкоого татыган. Мындай кабар кыргызстандыктардын жүрөгүн жылытып, сыймык алып келген. Ал Sputnik Кыргызстан агенттигине берген маегинде "туура эмес иш жасасам Кыргызстандын аброюна доо кетет" деп коркконун айткан.

Тема боюнча

Аз жерден калдым! Москвада 1 млн. рублди ээсине кайтарган таксисттин маеги
Жээнбеков Валентина Шевченкону "Даңк" ордени менен сыйлады
Белгилер:
эне, президент, сыйлык, акча, таксист, Мигрант, Кайрат Тентимишев

Дагы инфографика

ЭҢ МААНИЛҮҮ