08:25 27 Бугу 2019
Түз эфир
  • USD69.8500
  • EUR78.1272
  • RUB1.0811
Коридордо сабак берип аткан эжеке. Архивдик сүрөт

500 орундуу мектепте 3000 бала окуп... Бишкектин окуучу батпай калган билим жайлары

© Sputnik / Табылды Кадырбеков
Коом
Кыскача шилтеме алуу
Таалайгүл Усенбаева
344 0 0

Sputnik Кыргызстан агенттиги Бишкек шаарындагы мектептер канча балага ылайыкташып салынганын жана учурда ал жакта канча окуучу билим алып жатканын билип көрдү.

Айрым мектептер 500 балага пландалып салынса, учурда ал жакта 3000ден ашык окуучу билим алып жатыптыр.

Бишкек шаардык мэриясынын билим берүү башкармалыгынын берген маалыматына ылайык, учурда Бишкекте 97 муниципалдык мектеп иштеп жатат. Анын ичинде үч смен менен окуган 12 мектеп бар.

Эң көп окуучу окуган мектептердин тизмесине назар салсак, биринчи орунда Горький көчөсүндө жайгашкан №29 гимназиялык билим берүү мектеп-комплекси турат. Аталган мектеп 500 балага ылайыкташылып салынса, 2019-жылдын көрсөткүчү боюнча 3636 бала билим алат экен.

Андан кийинки кезекте Тыныстанов — Киев көчөлөрүнүн кесилишинде жайгашкан Аалы Токомбаев атындагы №24 мектеп-гимназиясы. Мектеп 630 балага пландалып салынганы менен азыркы тапта 2939 окуучу батып, билим алууда. Фучик көчөсүндө жайгашкан №54 жалпы орто мектебинин долбоорлук сыйымдуулугу 420 балага карата түзүлсө, бүгүнкү күнү ал окуу жайында 1765 бала окуйт.

Айрым мектептерге окуучу батпай жатса, калаанын ортосунда жайгашып, бирок толбой жаткан мектептер дагы бар экен. Алсак, Кусейин Карасаев көчөсүндөгү №14 орто мектеп 800 балага ылайыкташып салынганы менен ал жакта 526 эле бала окуйт. Сайра Кийизбаева көчөсүндөгү №53 мектеп дагы 920 балага карап курулса, азыркы тапта болгону 601 окуучу билим алат.

Буга чейин билим берүү жана илим министри Гүлмира Кудайбердиева Sputnik Кыргызстан агенттигине берген маегинде бул көйгөй бир эле Бишкекте эмес, Чүйдө дагы бар экенин айтып, акыркы беш жылда балдардын саны миграциядан улам 18 пайызга өскөнүн белгилеген.

"Бул маселе боюнча мамлекет башчысына кайрылганбыз, анда ал "жергиликтүү бийлик менен көйгөйдү кантип чечсе болорун ойлонуп, сунуш киргизгиле" деди. Менин оюмча, бала батпай жаткан мектептердин айланасында бош участок болсо, кошумча корпус салган эле оң. Бишкекте мектеп сала койгонго жер маселеси да оңой менен чечилбейт", — деген министр.

Бишкек мэриясынын билим берүү башкармалыгынын берген маалыматы боюнча, жакынкы жылдары 7 мектепке кошумча корпус салуу каралууда.

"№72, 59, 69, 18, 54, 16, 12 мектептеринде эски имараттын бөлүгүн бузуп, жаңы окуу корпустарын куруу пландалууда. Мындан сырткары, 2019-2020-окуу жылына "Газпром" ишканасы куруп жаткан мектеп менен Мурас-Ордо жаңы конушуна салынып жаткан дагы бир мектеп ишке берилмекчи", — деп жазылат маалыматта.

Башкармалык Бишкек шаарында мектеп муктаждыгын жоюу үчүн аз дегенде 16 мектеп курулушу керектигин кошумчалады.

Тема боюнча

Кампада, коридордо окуган балдар. Пригородное айылындагы жүрөк өйүткөн көрүнүш
Бүтүрүүчүлөр аттестаттарын качан алат? Министрликтин жообу
Мектепте акча чогултууга каршы болгон ата-энелер кайра митингге чыкты
Белгилер:
окуучу, мектеп, Бишкек

ЭҢ МААНИЛҮҮ