05:16 17 Тогуздун айы 2019
Түз эфир
  • USD69.8500
  • EUR77.0865
  • RUB1.0855
Ички иштер министри Кашкар Жунушалиевдин архивдик сүрөтү

Ички иштер министри Кашкар Жунушалиевдин канча айлык алары айтылды

© Пресс-служба президента КР / Султан Досалиев
Коом
Кыскача шилтеме алуу
533411

Буга чейин министр Жогорку Кеңеште депутаттардын суроосуна жооп берип жатып, ИИМдин сержанттарынын маянасы 8-12 миң сом экенин айткан.

БИШКЕК, 13-май — Sputnik. Ички иштер министри Кашкар Жунушалиевдин бир айлык маянасы 24 миң сомду түзөт. Бул тууралуу ИИМдин маалымат кызматынан билдиришти.

Ички иштер министри Кашкар Жунушалиев. Архивдик сүрөт
© Пресс-служба правительства / Сабыр Аильчиев
Эске салсак, 25-апрелде парламенттин жыйыны учурунда депутат Урмат Самаев ИИМдин сержанттарынын маянасынын көлөмүн сураганда, министр кызматкерлер 8-12 миң сом аларын билдирген. Ал эми "Бул каражат үй-бүлөнү бакканга жетеби?" деген суроого Жунушалиев: "Жеткен үчүн жашап жатабыз да",- деп жооп берген болчу. Эртеси күнү ИИМдин маалымат кызматы "Жунушалиев бул каражат жетишээрлик экенин айткысы келбегенин, аны журналисттер туура эмес түшүнүп алганын" билдирген.

Мындан улам коомдо министр өзү канча айлык аларына кызыгуу пайда болгон.

"Министр айына 24 миң сом маяна алат. Ал эми ички иштер органдарынын кенже жетектөөчү курамынын орточо маянасы кошумча төлөмдөрү менен 9-10 миң сомдун тегереги", — деп айтылат билдирүүдө.

Бул сумманын канчасы оклад, канчасы кошумча төлөм экенин ажыратып айтуу мүмкүн эмес экен. Анткени кызматкерлердин маянасын белгилөөчү укуктук-ченемдик актылары кызматтык пайдалануу үчүн колдонулуп, маалыматты сыртка чыгарууга тыюу салынган.

Тема боюнча

ИИМ: министр 8-12 миң сом айлык кызматкерлерге жетет деп айткысы келген эмес
Канттагы жоголгон баланы, кылмышкерлерди тапкан милиционерлер сыйланды. Сүрөттөр
Белгилер:
айлык-акы, ИИМ, Кашкар Жунушалиев

ЭҢ МААНИЛҮҮ