21:54 21 Бугу 2019
Түз эфир
  • USD69.8500
  • EUR77.8618
  • RUB1.0823
Митинг катышуучусу. Архив

Бишкекте өкмөт үйүнүн алдына митингге чыккан 35 киши милицияга жеткирилди

© Sputnik / Табылды Кадырбеков
Коом
Кыскача шилтеме алуу
182 0 0

Митингге чыккандардын бири укук коргоочулардын талабын аткарбаганы үчүн ага 3000 сом айып салынды.

БИШКЕК, 3-май — Sputnik. Бишкекте өкмөт үйүнүн алдына жер участокторун мыйзамдаштырып берүү талабын коюп митингге чыккандарды милиция кармап кетти. Бул тууралуу укук коргоочу Азиза Абдирасулова өзүнүн Facebook баракчасына жарыялады.

Бишкек ШИИБден маалымдашкандай, милиция кызматкерлери мыйзамсыз негизде митингге чыккан Чүй облусунун Новопавловка айылынын 35 тургунун Биринчи Май райондук ички иштер бөлүмүнө жеткиришкен.

Митинг учурунда укук коргоочулар элди тарап кетүүгө чакырган. Себеби соттун чечимине ылайык, "Ала-Тоо" аянты менен өкмөт үйүнүн алдында 29-апрелден 11-майга чейин митинг өткөрүүгө тыюу салынган. Бирок акциянын катышуучулары буга макул болгон эмес.

Биринчи Май райондук ички иштер бөлүмүндө 35 кишиге түшүндүрүү иштери аткарылып, кое берилген.

ШИИБден кошумчалашкандай, митингге чыккандардын бири укук коргоочулардын талабын аткарбаганы үчүн ага 3000 сом айып салынды (82-берене, "Укук коргоочуларга баш ийбөө").

Тема боюнча

Митингчилерге каршы атайын каражаттар колдонулабы? Өкмөттүн жообу
Белгилер:
милиция, митинг, Бишкек

ЭҢ МААНИЛҮҮ