01:09 22 Баш оона 2019
Түз эфир
  • USD69.8160
  • EUR77.4818
  • RUB1.0536
Автоинспектор. Архив

Видеону өчүрүүнү жалбарып суранган автоинспектор кызматтан алынды

© Sputnik / Табылды Кадырбеков
Коом
Кыскача шилтеме алуу
12090 0 0

Аны кызматтык иликтөө "Тартип уставын, жол кыймылынын эрежелерин, милициянын кесиптик этикасын бузган" деген жыйынтык чыгарган.

БИШКЕК, 2-май — Sputnik. Айдоочудан жол эрежесин бузган видеону элге жарыя кылбоону өтүнүп кечирим сураган автониспектор иштен бошотулду. Бул туурасында Жол кыймылынын коопсуздугун камсыздоо боюнча башкы башкармалыктан кабарлашты.

Буга чейин интернетте жол инспектору эреже бузуп машина айдап бара жаткан видео тараган. Анда милиционер видеону тартып жаткан адамдан кечирим сурап, аны таратпай эле коюшун суранган. Анда милиция кызматкеринин жол чырактын кызыл түсүнө токтобой өтүп жана ылдамдыкты дагы ашыра айдаганы айтылган.

"Аксакал башым менен суранып жатам, видеону өчүрүп салчы", — деп суранган инспектор.

Жол кыймылынын коопсуздугун көзөмөлдөгөн башкармалыктан ал кызматкерге карата чара көрүлгөндүгүн кошумчалады.

"Аталган видеоматериал боюнча кызматтык иликтөө аяктады. Анда Тартип уставы, Жол кыймылынын эрежелери, милициянын кесиптик этикасы бузулгандыгы айтылды. Ысык-Көл облустук милициясынын прапорщиги, Ысык-Көл райондук Жол кыймылынын коопсуздугун камсыздоо боюнча башкармалыктын кызматкери болуп иштеген Ш.Н. аттуу автоинспектор кызматтан бошотулду", — деп айтылат маалыматта.

Буга чейин Жол кыймылынын коопсуздугун камсыздоо боюнча башкы башкармалыктан Ысык-Көл облусунда иштеген инспектордун үстүнөн кызматтык иликтөө башталганын билдиришкен эле.

Тема боюнча

Эреже бузганы үчүн жалбарып кечирим сураган автоинспектор. ЖКККББ эмне дейт
Кечирип кой эми, тааныш бололу! Жол эрежесин бузган автоинспектордун видеосу
Белгилер:
жол эрежеси, жаза, Ысык-Көл облусу, Кыргызстан

ЭҢ МААНИЛҮҮ