00:41 27 Бугу 2019
Түз эфир
  • USD69.8500
  • EUR78.1272
  • RUB1.0811
Жол оңдоо иштери. Архив

Жээнбеков Кыргызстандагы транзиттик жолдордун качан оңдолуп бүтөрүн айтты

© Sputnik / Табылды Кадырбеков
Коом
Кыскача шилтеме алуу
212 0 0

Мамлекет башчы Кыргызстандын жайгашкан орду да өзгөчө экенин жана эки чоң экономиканын ортосундагы көпүрө болорун белгиледи.

БИШКЕК, 27-апр. — Sputnik. Президент Сооронбай Жээнбеков Кыргызстандагы негизги делген транзиттик автожолдор 2022-жылга чейин оңдолуп бүтөрүн билдирди. Ал мындай пикирин "Бир алкак — бир жол" эл аралык форумунда сүйлөп жатып айтканын президенттин маалымат кызматы кабарлады.

Мамлекет башчы Кыргызстандын жайгашкан орду да өзгөчө экенин жана эки чоң экономиканын ортосундагы көпүрө болорун белгиледи.

"Биз бир жагынан Кытайга коңшубуз, экинчи жагынан Евразиялык экономикалык биримдиктин мүчөсүбүз. Биз ушул эки чоң экономиканын ортосунда көпүрө болууга даярбыз", — деди Жээнбеков.

Ал өз сөзүндө форумдун катышуучулары транспорттук инфраструктура бардык мамлекеттер үчүн маанилүү экенин танбай турганын белгиледи.

"Кыргызстандагы транзиттик жолдор 2022-жылга чейин оңдолуп бүтөт", — деди президент.

Президент Сооронбай Жээнбеков экинчи жолу өтүп жаткан Бир алкак — бир жол форумуна катышты
© Пресс-служба президента КР / Султан Досалиев
Жээнбеков андан сырткары "Кытай — Кыргызстан — Өзбекстан" темир жолун пайдаланууга берүү да өтө чоң иштердин бири болуп каларын кошумчалап, бул долбоор бардыгы үчүн маанилүү экенин жана демилгенин концепциясына туура келерин айтты. Ошол эле учурда сөз кайсы трасса тууралуу болуп жатканын так билдирген жок.

"Бир алкак — бир жол" Кытайдын аймактык экономикалык кызматташуу боюнча долбоору. Анын алкагында Кытайдан Европага чейин транспорт инфраструктурасын куруу да каралган.

Тема боюнча

Бишкектин эки көчөсү оңдоо үчүн августка чейин жабылат
Бишкектин бир нече көчөсү 10-майга чейин жабылды
Белгилер:
темир жол, Сооронбай Жээнбеков, Кытай, Кыргызстан

ЭҢ МААНИЛҮҮ