22:43 14 Тогуздун айы 2019
Түз эфир
  • USD69.8079
  • EUR77.0016
  • RUB1.0846
Бишкектин көчөлөрү. Архивдик сүрөт

Коопсуз шаар: айдоочулар кайсы эрежени көп бузууда? Статистика

© Sputnik / Эмиль Садыров
Коом
Кыскача шилтеме алуу
939 0 0

4-марттан бүгүнкү күнгө чейин мониторинг борбору жалпы жонунан 46428 эреже бузууну каттаган.

БИШКЕК, 16-апр. — Sputnik. Жол кыймылы коопсуздугун камсыздоо башкы башкармалыгынын мониторинг борборунун жетекчиси Гүлмира Баратова Бишкекте "Коопсуз шаар" долбоору боюнча айдоочулар кайсы жол эрежелерин көп бузуп жатканын айтып берди.

Баратованын берген маалыматы боюнча 4-марттан бүгүнкү күнгө чейин жалпы жонунан 46 428 эреже бузуу катталган.

Анын ичинде эң көп — 19 492 айдоочу жол белгилерин карабаса, 17747 айдоочу көрсөтүлгөн ылдамдыктан саатына 20 чакырымга ашыра айдаган. Азырынча аялдама же унаа токтотуучу жайдан эки гана айдоочу эреже бузуп айып пул төлөгөн.

Эске салсак, "Коопсуз шаар" долбоору 12-февралдан тарта ишке кирген. Бирок жол эрежесин бузган айдоочуларга 4-марттан тарта гана айып салына баштаган.

Гүлмира Баратова кайсы көчөлөрдүн кесилишинде "Коопсуз шаар" долбоору боюнча жол эрежесин бузгандар көп катталып жатканын да айтып берди.

"Горький — 7-апрель көчөлөрү, Манас проспектисиндеги көпүрө (Путепроводная), Байтик баатыр көчөсүндөгү көпүрө (Путепроводная), Бөкөнбаев — Абдрахманов көчөлөрүнүн кесилиштеринде ылдамдыкты сактабагандар көп болууда. Ошондой эле Жибек Жолу — Абдрахманов, Чүй — Курманжан датка жана Бишкек – Торугарт унаа жолунун 10-чакырымында да айдоочулар эрежени сактабайт", — деди Баратова.

Долбоордун биринчи этабында Бишкекке 12, экинчи этабында 11 камера коюлган. Алардын даректерин төмөнкү материалдан окуңуздар.

Тема боюнча

ИИМ башчысы "Коопсуз шаар" долбоорунун кырсыктарга тийгизген таасирин айтты
"Коопсуз шаардан" түшкөн айып пулдун бир бөлүгү Тез жардам кызматына берилет
Белгилер:
ката, айып, жол эрежеси, Коопсуз шаар

ЭҢ МААНИЛҮҮ