Прокурор Жогорку Кеңештин экс-депутаты Асылбек уулун 12 жылга кесүүнү сурады

© Sputnik / Тимур БатыршинЖогорку Кеңештин мурдагы депутаты Дамирбек Асылбек уулу. Архив
Жогорку Кеңештин мурдагы депутаты Дамирбек Асылбек уулу. Архив - Sputnik Кыргызстан
Жазылуу
Сот Алматы шаарында өтүп жатат. Мамлекеттик айыптоочу экс-депутат жазасын өтөп бүткөндөн кийин аны өлкөдөн чыгарып салууну сунуштады.

БИШКЕК, 3-апр. — Sputnik. Алматы шаарында Жогорку Кеңештин мурдагы депутаты Дамирбек Асылбек уулунун иши каралды. Бул тууралуу Тengrinews.kz агенттигинин кабарчысы сот залынан билдирди.

Экс-парламентарий менен кошо 11 адамдын иши каралууда. Алар Есбол Жапбасов, Уланбек Мурадилов, Чыңгыз Абакиров, Досбол Жаппасов, Қазақпай Мухит, Мадияр Нурманова, Санжар Саулембаев, Мухит Тыныбаев, Данияр Кожамкулов, Нургали Аульбеков жана Куаныш Байгелов.

"Соттон Дамирбек Асылбек уулун күнөөлүү деп таап 12 жылга эркинен ажыратууну, ошондой эле кылмыштуу жол менен алган үй-мүлкүн конфискациялоону өтүнөм. Жазасын өтөп бүткөндөн кийин Казакстандан чыгарып салууну суранам", — деди мамлекеттик айыптоочу.

Прокурор "Жапбасовдор" аттуу уюшкан кылмыштуу топтун мүчөсү делген Есбол Жапбасовду 15 жылга кесип, мүлкүн конфискациялоону сурады. Ал эми калгандарын 7 жылдан 12 жылга чейин эркинен ажыратып, мүлкүн конфискациялоону өтүндү.

Дамирбек Асылбек уулуна Казакстандын Кылмыш жаза кодексинин 264 ("Улуттар аралык кылмыштуу топ түзүү") жана 234-беренеси ("Экономикалык аткезчилик") боюнча кылмыш иши козголгон.

Депутат ЖК Дамирбек Асылбек уулу - Sputnik Кыргызстан
Казакстанда кармалган экс-депутат Дамирбек Асылбек уулу камакта калды
Есбол Жапбасовго 264 ("Улуттар аралык кылмыштуу топ түзүү"), 234 ("Экономикалык аткезчилик"), 287 ("Мыйзамсыз сатып алуу, сатуу, сактоо, курал жана жардыруучу каражаттарды алып жүрүү"), 385 ("Жасалма документ колдонуу"), 194 ("Опузалоо") жана 190-берене ("Алдамчылык") боюнча кылмыш иши козголгон.

Ал эми Уланбек Мурадилов, Чыңгыз Абакиров, Досбол Джаппасов, Мухит Қазақпай, Мадияр Нурманов, Санжар Саулембаев, Мухит Тыныбаев, Данияр Кожамкулов, Нургали Аульбеков жана Куаныш Байгелов 264 ("Улуттар аралык кылмыштуу топ түзүү") жана 234-берене ("Экономикалык аткезчилик") боюнча айыпталып жатат.

Эскерте кетсек, үстүбүздөгү жылдын 15-16-февралында Казакстандын Улуттук коопсуздук комитети Коррупцияга каршы күрөшүү улуттук бюросу менен биргеликте атайын операция жүргүзгөн. Натыйжада бажы постторунда иштеген уюшкан кылмыштуу топтун 8 мүчөсү жок кылынган. Ал эми колго түшүрүлгөндөрдүн арасында ЖК депутаты Дамирбек Асылбек уулу бар экени айтылган. Казакстандын ИИМи анын казак жарандыгы бар экенин айтып чыккан. Бул маалымат Борбордук шайлоо комиссиясынын коңшу өлкөнүн тийиштүү органдарына жиберген сурамынан кийин да тастыкталып, Дамирбек Асылбек уулу депутаттык мандаттан ажыратылган.

Жаңылыктар түрмөгү
0