18:29 02 Чын Куран 2020
Түз эфир
  • USD84.8988
  • EUR92.7010
  • RUB1.0895
Коом
Кыскача шилтеме алуу
422 0 0

Бабажановдун айтымында, азыркы мектептер менен бала бакчанын шарттарында "өзгөчө" балдарга билим алуу оңой эмес.

БИШКЕК, 2-апр. — Sputnik. Аутизм илдетине кабылган балдардын билим алуусундагы тоскоолдуктар жөнүндө Саламаттык сактоо министрлигинин педиатрия адиси, балдар неврологу Нурмухамед Бабажанов түшүндүрүп берди.

Бул тууралуу Sputnik Кыргызстан агенттигинин маалымат борборунда өтүп жаткан "Үй-бүлөгө түшкөн сыноо. Кыргызстандагы аутист балдарга кантип жардам берсе болот?" аттуу тегерек столдо сөз болду.

Бабажановдун айтымында, азыркы мектептер менен бала бакчалардын шарттарында "өзгөчө" балдарга билим алуу оңой эмес.

"Мага мындай балдардын ата-энелери "балабызды мамлекеттик мектепке берсек болобу?" деген суроо менен кайрылганда, дароо "жок" деп жооп берем. Азыр мектептерде бир класста 30-50 бала окуйт. Мугалимдердин аутист балдар түгүл башкасы менен иштөөгө убактысы жетпейт. Мындай балдар кадимки мектепке барса чүнчүп кетет", — деди ал.

Улуттук статистика комитетинин маалыматына караганда, ушул тапта Кыргызстанда аутизм менен жабыркаган 20 миңден ашуун бала бар. Алар өзгөчөлүктөрүнөн улам билим берүү жаатында бир катар көйгөйлөргө туш болот.

Тема боюнча

Аутист Өмүрбектин апасы: уулум экөөбүз ишкерлик баштадык, сыры жөнөкөй
Белгилер:
мектеп, аутизм, Нурмухамед Бабажанов, Кыргызстан

ЭҢ МААНИЛҮҮ