21:21 19 Үчтүн айы 2020
Түз эфир
  • USD69.8300
  • EUR77.7592
  • RUB1.1348
Коом
Кыскача шилтеме алуу
Кыргыз-тажик чек арасындагы жаңжал (30)
502 0 0

Кечээ, 13-мартта, кыргыз-тажик чек арасында эки өлкөнүн жарандары ортосунда чыр чыгып, кыргызстандык бир адам жаракат алып, ооруканага жеткирилген.

БИШКЕК, 14-мар.— Sputnik. Коопсуздук кеңешинин катчысы Дамир Сагынбаев кыргыз-тажик чек арасындагы кырдаал боюнча үн катты.

Эске салсак, кечээ, 13-мартта, Ак-Сай — Тамдык айланма жолдун курулушунан Баткен районунун Ак-Сай айылы менен Тажикстандын Меxнатабад айылынын тургундары ортосунда чыр чыккан.

Коңшу айылдын тургундары бири-бирин ташка алганы маалым. Андан Кыргызстандын бир жараны жаракат алып Баткен облусунун Самаркандек айылындагы ооруканага жеткирилген.

Чырдан улам Баткен чек ара бөлүмүнүн жоокерлери күчөтүлгөн тартипке өткөн.

"Кечээтен бери окуя боюнча сүйлөшүүлөр жүрүп жатат. Кыргызстан менен Тажикстандын укук коргоо органдарынын бардыгы кырдаалды жөнгө салуу үчүн болгон аракетин жумшоодо. Чек ара кызматынын маалыматына таянсак, кырдаал дагы эле турукташа элек", — деди Сагынбаев.

13-мартта кыргыз тараптын демилгеси менен эки өлкөнүн тышкы иштер министрлери Чыңгыз Айдарбеков менен Сироджиддин Мухриддин телефон аркылуу сүйлөшкөн.

Министрлер чек арадагы абалды талкуулап, эки өлкөнүн ортосундагы боордоштук мамилени чыңдоо жана жагдайды жөнгө салуу үчүн тийиштүү органдардын өз ара тыгыз аракетинин зарылдыгын белгилешкен.

Тема:
Кыргыз-тажик чек арасындагы жаңжал (30)

Тема боюнча

Зулпукаров: чек ара маселесин маалында чечпей азыркыдай көйгөйгө тушуктук
Кыргыз-тажик чек арасында чогулгандар тарай элек, бирок кагылышуулар жок
Белгилер:
Чыр-чатак, кыргыз-тажик чек арасы, Тажикстан, Кыргызстан

ЭҢ МААНИЛҮҮ