05:21 23 Баш оона 2019
Түз эфир
  • USD69.7961
  • EUR77.4597
  • RUB1.0636
Бишкек шаарынын үстүндөгү түтүн. Архив

Бишкектин абасы кир аймактары аталды. Тизме

© Sputnik / Михаил Дудин
Коом
Кыскача шилтеме алуу
653 0 0

Жакын арада Бишкектин борбордук бөлүгү менен жаңы конуштарындагы аба текшерилмекчи.

БИШКЕК, 12-мар. — Sputnik. Айлана-чөйрөнү коргоо жана токой чарбасы боюнча мамлекеттик агенттик дрон жана атайын аппараттардын жардамы менен Бишкектин айрым аймактарынын абасын текшерип көрдү.

Иштер АКШ элчилигинин айланасында, Чыңгыз Айтматов проспектиси менен Бөкөнбаев көчөсүнүн кесилишинде, Месарош менен Абдраев көчөлөрүнүн кесилишинде, Москва көчөсү менен Манас проспектисинин, Ибраимов көчөсү менен Жибек Жолунун, Салиева менен Веселая көчөлөрүнүн, Шабдан баатыр менен Мамбетов көчөлөрүнүн, Чокморов менен Акиевдин, Күн менен Жетиген көчөлөрүнүн, Лущихин көчөсүндө жана 7-кичирайондо жүргөн.

Натыйжада аталган жердин бардыгында азот диоксидинин нормадан ашыкча (1,07ден 1,9 эсеге чейин) экени аныкталган. Жибек Жолу проспектиси менен Ибраимов көчөсүнүн кесилишинде күкүрт водороду 1,1 эсеге көп болуп чыккан. Ал эми Месарош менен Абдраевдин, Аул менен Элебесовдун, Салиева менен Веселаянын кесилиштеринде 3,6 эсе жогору экен.

Толстой менен Жаш Гвардия бульварынын кесилишкен жеринде азот диоксиди 1,4төн 1,6 эсеге чейин экени айтылды. Бакай-Ата конушунда бул көрсөткүч 1,27 эсени көрсөтөт. Мындан тышкары, Рухий Мурас, Бакай-Ата, ГЭС-2 жана Энесай конуштарында абал кейиштүү экени аныкталды.

Жакын арада Бишкектин борбордук бөлүгү менен жаңы конуштарындагы аба текшерилмекчи.

Агенттиктин маалыматы боюнча абаны кирдеткен бирден-бир негизги булак — автотранспорт. Унаадан чыккан уулуу заттарга атмосфераны булгаган нерселердин 90 пайызы туура келет.

Тема боюнча

Адис Бишкекти XIX кылымдагы Лондон менен салыштырды
Белгилер:
экология, аба, Айлана-чөйрөнү коргоо жана токой чарбасы мамлекеттик агенттиги, Бишкек

ЭҢ МААНИЛҮҮ