Токмоктогу атышуу: ички иштер министри башка органдарды да сындады

© Sputnik / Виталий БелоусовАтышуудагы тапанча. Архив
Атышуудагы тапанча. Архив - Sputnik Кыргызстан
Жазылуу
Чек арага жакын жердеги атышуудан эки киши жаракат алган.

БИШКЕК, 5-фев. — Sputnik. "Токмок" көзөмөл өткөрүү пунктуна жакын жердеги атышуу боюнча тергөөчүлөрдүн мамлекеттик башка органдарга дагы суроосу көп. Мындай пикирин ички иштер министри Кашкар Жунушалиев маалымат жыйын учурунда билдирди.

"Токмоктогу атышуу боюнча учурда кызматтык териштирүү жүрүп жатат. Анын жыйынтыгында жетекчилер кандай жазага тартыларын айтабыз. Азыр башка кызматтарга карата да көп суроолор бар. Маалыматты биз ЖМКдан алдык", — деди ал.

Жунушалиев Токмоктогу чек арага жакын жерде болгон атышуу боюнча тергөө жүрүп жатканын, анын жыйынтыгы менен тийиштүү жетекчилер менен кызматтарга чара көрүлөрүн билдирди.

Депутат ЖК 6 созыва Бакирдин Субанбеков - Sputnik Кыргызстан
Депутат: Токмоктогу аткезчилердин атышуусунан уялып жатам
26-январдын түнүндө "Токмок" көзөмөл өткөрүү бекетинде аткезчилер ортосунда атышуу болгону айтылып, андан эки киши жаракат алганы маалымдалган. Жабырлануучулардын биринин айтымында, окуяны жөнгө салуу үчүн "Чемпион" деген лакап аты бар Жогорку Кеңештин депутаты келгенин билдирген.

Чүй облустук милициясы атышуудан кийин эч кандай арыз түшпөгөнүн, ЖМКларга чыгып кеткен маалыматтын негизинде аталган факты Жоруктар жана кылмыштар боюнча бирдиктүү реестрге катталганын айткан. Ал ортодо интернетте дал ошол атышуудан башына, бутуна жана далысына ок жеди делген кишинин видеосу тараган. Өз кезегинде милиция ал жаран башка күбөлөр менен чогуу суракка алынганын билдирген.

Атышууга катышкан Асхат Усенов менен Данияр Бейшенкулов ооруканада. Экөөнө тең эки айга камакка алуу чечими чыккан.

Жаңылыктар түрмөгү
0