Камила Дүйшөбаеванын иши боюнча күбөлөргө тергөө басым жасадыбы? ИИМдин жообу

© AFP / ALAIN JOCARDАбак. Архив
Абак. Архив - Sputnik Кыргызстан
Жазылуу
2014-жылы 10-мартта белгисиз себептер менен 19 жаштагы Камила Дүйшөбаева киши колдуу болгон.

БИШКЕК, 5-фев. — Sputnik. Ички иштер министрлигинин маалымат жыйынында "Камила Дүйшөбаеванын иши боюнча тергөө тарабынан күбөлөргө басым болуп жатабы?" деген суроо узатылды.

Бул суроого жооп берген ИИМ жетекчисинин ыкчам иликтөө боюнча орун басары Мирлан Каниметов жооп берди.

"Тергөө тарабынан эч кандай басым болгон жок. Шектүү Калыбек Элтуйбасов миграция мыйзамын бузганы үчүн АКШда кармалган. Аны экстрадициялоо боюнча маселелер такталып жатат", — деди Каниметов.

Эскерте кетсек, Аида Салянованын тууганы Калыбек Элтуйбасов 25-декабрда кармалган.

Экс-башкы прокурор Аида Салянова - Sputnik Кыргызстан
Аида Салянова агасынын АКШдан кармалганы боюнча үн катты
2014-жылы 10-мартта белгисиз себептер менен 19 жаштагы Камила Дүйшөбаева өлтүрүлгөн. Кылмыш иши коомчулуктун көңүлүн буруп, ИИМдин мурдагы министри Мелис Турганбаев ишти аягына чыгарууга убада берген.

2016-жылы 21-ноябрда министрликтин кийинки жетекчиси Кашкар Жунушалиев да кылмыш ишин иликтей тургандыгын айткан.

Милициянын ырасташынча, 2014-жылы 55 жаштагы Калыбек Элтуйбасов 10-мартта сауналардын бириндеги көзөмөл камерадагы жаздырууну өчүргөн. Ага эс алуучу жайдын жетекчиси А.Н. жардам берген. Ошол учурда видео милицияларга дагы керек болгон.

Элтуйбасовго өндүрүштүк тергөөгө тоскоол болгону үчүн сыртынан айып тагылган. ИИМдин башкы иликтөө башкармалыгы кылмыш ишин козгоду.

Жаңылыктар түрмөгү
0