Аида Салянова агасынын АКШдан кармалганы боюнча үн катты

© Фото / пресс-служба ЖКЭкс-башкы прокурор Аида Салянова
Экс-башкы прокурор Аида Салянова - Sputnik Кыргызстан
Жазылуу
ИИМ Аида Салянованын аталаш агасынан жаш кыз Камила Дүйшөбаеванын өлүмүнө тиешеси бар деп шектенип жатат.

БИШКЕК, 29-янв. — Sputnik. Экс-башкы прокурор Аида Салянова агасы Калыбек Элтуйбасовдун (Салянов) Камила Дүйшөбаеванын өлүмүнө тиешеси бар деп кармалышы боюнча үн катты.

Саляновдун АКШдан кармалышы боюнча 25-январда белгилүү болду. Маалыматта ал Кыргызстандын ИИМинин сурамжылоосу менен кармалганы айтылды. Милициянын ырасташынча, 2014-жылы 55 жаштагы Калыбек Элтуйбасов 10-мартта сауналардын бириндеги көзөмөл камерадагы жазууну өчүргөн. Ага эс алуучу жайдын жетекчиси А.Н. жардам берген. Ошол учурда видео милицияларга дагы керек болгон.

"Салянов видеожазуунун өчүрүлбөшүнө кызыкдар болгон. Ага тескерисинче, Дүйшөбаеванын өлүмүнө тиешеси жоктугун аныктоо үчүн бул видеонун сакталып калышы керек эле. Салянов жазууларды өчүрүп салды деген маалыматты сауна жетекчиси Насыр Алмаматов айтыптыр. Ал көрсөтмөнү тергөө абагында отуруп берген. Андан соң эркиндикке чыгып, Каттоо кызматына бөлүм башчылыкка дайындалып отурат. Менин пикиримде, кысымга алынып, ушундай көрсөтмө берген", — деп билдирди Салянова.

Экс-генпрокурор агасы ИИМдин жиберген өтүнүчү менен эмес, АКШнын миграция боюнча мыйзамдарын бузгандыгы үчүн кармалгандыгын кошумчалады.

Камила Дүйшөбаеванын өлүмү

2014-жылы 10-мартта белгисиз себептер менен 19 жаштагы студент Камила Дүйшөбаева табышмактуу жагдайда өлтүрүлгөн. Кыздын жок болуп кеткендиги боюнча чоң атасы арыз жазып, милицияга кайрылган. Ал киши небереси менен ошол күнү эртең менен сүйлөшкөндүгүн, дипломдун сыртын жасатам деп 300 сом сурап, сабакка кеткендигин айтып берген. Окуядан коомчулуктун көңүлүн буруп, ИИМдин мурдагы министри Мелис Турганбаев ишти аягына чыгарууга убада берген.

Андан кийинки ички иштер министри Кашкар Жунушалиев дагы 2016-жылы 21-ноябрда кылмыштын бети ачылат деп ишендирген.

Тверской суд выдал санкцию на арест В.Степанова - Sputnik Кыргызстан
Улан Саляновдун өлүмүнө тиешеси бар делген үчүнчү киши Россиядан кармалды
Маркумдун туугандары издеп, шаарга сүрөттөрүн чаптап, дайын-дарегин сураштыра баштаган. Бир аптадан кийин милиция Камиланын сөөгү Байтик айылынын чет жакасынан табылганын билдирген. Соттук-медициналык экспертиза кызды муунтуп өлтүрүшкөндүгүн айткан.

Милиция бул кайгылуу окуяга тиешеси бар деп Калыбек Саляновду кармаган. Бир катар маалыматтар боюнча ал киши досу жана дагы эки кыз менен саунада эс алышкан. Администратор кыздардын бири Камила экендигин айтса, шектүүнүн досу бул маалыматтарды танган.

Төрт жыл ичинде Ички иштер министрлигинде бир топ жетекчи алмашты. Жаңы келген ар бир министр кылмышкерди табууга убада берген менен бири да аткарыла элек. Кыздын социалдык тармактарда жазышкан каттарын калыбына келтирүү үчүн Малайзиядан адис чакырышканы менен, киши өлтүргүчтү али табыша элек. Милиция тергөө улантылып жаткандыгын айтып келет.

Жаңылыктар түрмөгү
0