00:00 23 Үчтүн айы 2019
Түз эфир
  • USD69.7394
  • EUR79.2414
  • RUB1.0479
Экс-вице-премьер Дүйшөнбек Зилалиев. Архив

Зилалиев: УКМК менден кечирим сурап кое берет деген үмүтүм бар

© Пресс-служба правительства / Сабыр Аильчиев
Коом
Кыскача шилтеме алуу
Дүйшөнбек Зилалиевдин айланасындагы чыр (18)
425 0 0

Мурдагы вице-премьер өткөн жылдын декабрь айында камакка алынган.

БИШКЕК, 9-янв. — Sputnik. Экс-вице-премьер Дүйшөнбек Зилалиев Улуттук коопсуздук кызматы андан кечирим сурап кое берет деп үмүт кылууда. Бул тууралуу өзү билдирүү таратты.

Зилалиев өткөн жылдын 8-декабрь күнү байлыкты мыйзамсыз түрдө топтогон деп айыпталып кармалган. УКМК анын банктагы жеке эсебинен 889 миң 900 доллар таап, үй-жайын тинтүүгө алганын айткан.

"Мени кармаганда күнөөсүз экенимди тастыктап, тиешелүү документтерди көрсөткөнгө мүмкүнчүлүк беришкен жок. Кызмат адамы кайсы булактар аркылуу киреше тапканын түшүндүрүп бере албаган учурда гана "Мыйзамсыз байлык топтоо" беренеси менен иш козголушу мүмкүн. Тилекке каршы, мени кармаганда укугумду коргой алган жокмун", — деп айтылат билдирүүдө.

Зилалиевдин айтымында, "каалагандай кескиленген видео" коомчулук алдында кадырын кетирүү үчүн жасалган. Бирок азыр бир нерсени далилдөөгө аракет кылуу жөн гана актанууга окшоп калат деген оюн кошумчалады.

"Ошондуктан азыр күтө турам. Бирок тергөөгө тиешелүү документтер берилип жатат. УКМК тактап чыгып, кечирим сурап, эркиндикке чыгарат деген үмүт бар. Убакыт көрсөтөт", — деди ал.

Мындан тышкары, аткаминер аны аэропорттон эмес, өз үйүнөн кармашканын айтты.

Тема:
Дүйшөнбек Зилалиевдин айланасындагы чыр (18)

Тема боюнча

Дүйшөнбек Зилалиевдин иши 5 күндөн кийин каралмай болду
Миллиондогон акча чыкты! Зилалиевдин үй-жайын тинткендеги видео
Белгилер:
билдирүү, УКМК, Дүйшөнбек Зилалиев
Колдонуу эрежелериПикирлер

ЭҢ МААНИЛҮҮ