02:00 23 Жетинин айы 2019
Түз эфир
  • USD69.8500
  • EUR77.3135
  • RUB1.0964
Игрок национальной сборной по кок-бору Манас Ниязов с невестой на свадьбе. Архивное фото

Быйыл кайсы спортчулар бүлө күттү? Улакчы Ниязовдон тарта балбан Алтынайга чейин

© Фото / Адилет Топчубаев
Коом
Кыскача шилтеме алуу
241410

Кечээ түштүк жергесинде дүңгүрөгөн тойлордун бири өттү. Дегеним, Кыргызстандагы белгилүү көкбөрүчү Манас Ниязов бойдокчулук менен кош айтышты. Мындан улам Sputnik Кыргызстан маалымат агенттиги жыл башынан бери таанымал кайсы спортчулар бүлө курганына абай салды.

Улакчы Манас Ниязовдун колуктусунун аты Назира, экөө көп убакыттан бери сүйлөшүп жүрүшкөн. Ал 20 жашта, Өзгөн районунан болот. Ал эми улакчы 25 жашта, ал да ушул эле райондун Дөң-Булак айылынын кулуну. 

Манас Ниязов — Кыргызстандын алдыңкы улакчыларынын бири. Ал көк бөрү боюнча улуттук командада жана Оштун "Достук" командасында ойноп жүрөт. 

ММА мушкери Бусурманкул Абдубаит уулу Нестан Ырысбаева аттуу кызга баш кошкон. Ал — аралаш мушташ боюнча турнир өткөргөн россиялык M-1 уюму менен келишим түзгөн биринчи кыргыз спортчусу. 

Боец ММА Бусурманкул Абдубаит уулу на свадьбе с Нестан Ырысбаевой
© Фото / Жаныбек Фаизов
ММА мушкери Бусурманкул Абдубаит уулу

"Спорт убактылуу, жеке жашоо түбөлүктүү" деген балбан Алтынай Мамарасул кызы дагы турмуш жолуна аттанды. Спортчу кыз алыш күрөшү боюнча жабык имараттагы Азия оюндарынын чемпиону, Көчмөндөрдүн дүйнөлүк оюндарында (2016, 2018-жж.) II жана III орундарды алган. Ал эми өмүрлүк жары дагы спорттон алыс эмес адам. Ринат Марс уулу — аралаш мушташ боюнча спорт чебери. Жубайлардын жашы тең, 21 жашта. Үч жылдан бери сүйлөшүп келишкен. 

Чемпион Азии по алышу (классический стиль) Алтынай Мамарасул кызы на свадьбе с женихом
© Фото / Студия Фокус
Балбан Алтынай Мамарасул кызы

Дзюдочу Юрий Краковецкий дагы бойдокчулук менен кош айтышкан. Ал кыргызстандык дзюдочулардын ичинен ийгиликтүү спортчу катары эсептелинет, эки ирет олимпиада оюндарына катышкан (Рио-До-Жанейро жана Лондон). Анын сүйүктүүсү Дарья Цветкова чыгармачыл адам, графикалык сүрөттөрдү тартат. 

Жоокердик самбо боюнча спорт чебери, ММА мушкери Немат Абдрашитов да үч жыл бою сүйлөшүп жүргөн кызына баш кошкон. Спортчу жарынын жаш курагы, аты-жөнү тууралуу кеп кылууну каалаган жок. 

Боец смешанный единоборств из Кыргызстана Немат Абдрашитов на свадьбе с невестой
© Фото / Адылбек Баймурзаев
Жоокердик самбо боюнча спорт чебери, ММА мушкери Немат Абдрашитов

Өлкөдөгү белгилүү кикбоксчулардын бири, дүйнө чемпиону, эл аралык класстагы спорт чебери Авазбек Аманбеков Айнура аттуу бийкечке тагдырын байлады. Жаш жубайлар үч жыл сүйлөшкөн. 

ММА мушкери Мырзамидин Пазылов да үй-бүлөлүү адамдардын катарын толуктап, Калымгүл Эсенбек кызына баш кошкон. Жаштар үч жыл сүйлөшкөн. Пазылов WEF уюмунун эң жеңил салмактагы (57 кг.) чемпиону, грэпплинг боюнча эл аралык турнирлердин жеңүүчүсү. 

Боец смешанных единоборств, чемпион WEF Global Мырзамидин Пазылов с невестой
© Фото / из личного архива Мырзамидина Пазылова
ММА мушкери Мырзамидин Пазылов

Ошондой эле бойдокчулук менен кош айтышып, бирок элге жеке жашоосун жарыялагысы келбегендер бар. Алардын катарын футболчу Азамат Байматов, Фархат Мусабеков жана мушкер Азиз Сатыбалдиев толуктайт.

Тема боюнча

Кандай эне төрөдү экен?.. Өлкөнүн мыкты спортчуларынын апалары сүрөттө
Бойдок, чымыр денелүү, атактуу... Кыя өткөрбөгөн кыргыздын спортчу жигиттери
Бул кыздардан модель чыкмак... Кыргыздын күчтүү жана ажарлуу спортчулары сүрөттө
Белгилер:
ММА, той, балбан, үйлөнүү, бойдок, дзюдо, Спорт, Бусурманкул Абдубаит уулу, Манас Ниязов, Юрий Краковецкий

ЭҢ МААНИЛҮҮ