16:31 26 Баш оона 2019
Түз эфир
  • USD69.8159
  • EUR77.6004
  • RUB1.0582
Газда жүргөн автобустар. Архивдик сүрөт

Бишкек мэриясы газ менен жүргөн автобус алуу үчүн тендер жарыялады

© Sputnik / Табылды Кадырбеков
Коом
Кыскача шилтеме алуу
72 0 0

Борбор калаадагы микроавтобустарды жаңыртуу үчүн 800 автобус керектелет.

БИШКЕК, 23-ноя. — Sputnik. Бишкек мэриясы газ менен жүргөн 60ка жакын автобус сатып алууну пландап жатат. Бул тууралуу муниципалитеттин маалымат кызматынан кабарлашты.

Бишкек жүргүнчү ташуу ишканасы 20-ноябрь күнү эл аралык тендер жарыялады. Ага автобус чыгарган заводдор жана алардын дилерлери катыша алат. Билдирмелер 11-декабрь күнү каралып, жеңген тарап 2019-жылдын март айында автобустарды алып келиши керек.

Жаңы траснпортторду алууга шаардык бюджеттен 382 миллион 577 миң сом каралган.

Мэриядан белгилешкендей, борбор калаадагы микроавтобустарды жаңыртуу үчүн 800 автобус керектелет. Бүгүнкү күндө 10 каттамга дизель менен жүргөн ортоңку класстагы 90, жаратылыш газы менен жүргөн 10 автобус каттайт. Ошондой эле №35 маршруту боюнча ортоңку класстагы 16 автобус жүрөт.

"Газ менен жүргөн автобустар алынса чыгым азайып, уулуу газдын көлөмү кыскарат", — деп айтылат маалыматта.

Буга чейин Жогорку Кеңештин депутаты Марлен Маматалиев бензин менен жүргөн автобус алууга мораторий киргизүүнү сунуштаган.

Тема боюнча

Парламентте бензин менен жүргөн автобус алууга мораторий киргизүү сунушталды
Белгилер:
тендер, бензин, газ, автобус, Бишкек

ЭҢ МААНИЛҮҮ