БИШКЕК, 1-ноя. — Sputnik. Транспортту жана айдоочулук курамды каттоо департаментинин Бишкек шаардык каттоо-экзамен бөлүмүнүн кызматкерлерине карата кызматтык тергөө жүрдү. Анын жыйынтыгында айдоочулук күбөлүктү алууда квалификациялык экзамендин эрежеси бузулганы аныкталган. Бул тууралуу Мамлекеттик каттоо кызматы билдирди.
Андыктан өз милдеттерин так аткарбаганы үчүн шаардык каттоо-экзамен бөлүмүнүн кызматкерлерине дисциплинардык чара көрүлдү.
Атап айтканда, бөлүм башчы Н.З. Алмаматовго эскертүү берилди. Анын орун басары З.Р. Рыскулов кызматынан төмөндөтүлүп, Ысык-Көлдүн каттоо-экзамен бөлүмүнүн алдыңкы адиси кызматына которулду.
Андан сырткары, бир катар кызматкерлер катуу сөгүш алды.
