БИШКЕК, 31-окт. — Sputnik. Бишкектин Биринчи Май райондук өспүрүмдөр иши боюнча инспекциясынын кызматкерлери мас болуп калган энени жана аны тургузууга аракет кылган кызды издеп жатат. Бул тууралуу Sputnik Кыргызстан агенттигине шаар милициясынан билдиришти.
Буга чейин редакцияга WhatsApp каналы аркылуу окурман 4-5 жаштагы жүдөө кийинген наристе мас апасын тургуза албай жаткан видеону жөнөткөн. Окуя 30-октябрь күнү Логвиненко жана Лев Толстой көчөлөрүнүн кесилишинде болгон.
Мас апасын тургуза албай мукураган бөбөк. Бишкекте тартылган видео
© © Күбөнүн Whats App-канал аркылуу жиберген видеосу
Милициядан билдиришкендей, Биринчи Май райондук өспүрүмдөр иши боюнча инспекциясынын кызматкерлери жерине барып, эне-бала тууралуу тегерек-четте жашаган тургундарды сурамжылашты. Аларды издөө иштери бүгүн дагы улантылат.
