11:59 19 Жетинин айы 2018
Түз эфир
  • USD69.8400
  • EUR79.2474
  • RUB1.0583
Памирлик кыргыздар. Архив

Нарындагы памирлик кыргыздар Алайга көчүрүлөбү? Миграция кызматынын жообу

© Фото / Нурзада Мукашева
Коом
Кыскача шилтеме алуу
Памирлик кыргыздар (77)
1315 0 0

Буга чейин боордоштордун бири Абдылгафар Абдырасул уулу Алайга көчүп кетүүлөрү мүмкүндүгүн айткан.

БИШКЕК, 30-окт. — Sputnik. Нарында жашап жаткан памирлик боордоштор Алайга көчүрүлбөйт. Бул тууралуу Sputnik Кыргызстан агенттигине Миграция кызматынын кайрылмандар жана качкындар менен иштөө бөлүмүнүн башчысы Жыпара Мамбетова билдирди.

Буга чейин Sputnik Кыргызстан агенттиги Нарындагы памирлик кыргыздардан кабар алып байланышканда, боордоштордун бири Абдылгафар Абдырасул уулу өкмөт аларга Алайдан жер бөлүп бере турганын айткан.

"Өкмөт Алайдан жер бөлүп беребиз деп жатат. Жайында Кичи Алайдын Сары-Могол деген жерине кетебиз", — деген Абдырасул уулу.

Бирок Миграция кызматынын өкүлү Жыпара Мамбетова аларды көчүрүү тууралуу сөз да болбогонун айтты.

"Көчүрүү тууралуу азырынча план жок. Өткөндө аларды Чоң-Алайга алып барып туугандары менен учураштырып келгенбиз. Ошондо жергиликтүү тургундар "жолуңар ачык, бул жакка келсеңер деле болот" деп айтып жатышкан. Балким, ошондон улам ушундай ойлор жаралса керек. Азырынча памирликтер Нарында эле болушат. Анткени отурукташып калышты. Балдары болсо окуп жатат, батирдин акчасы да төлөнүүдө. Негизи биз аларды окутуу максатында эле алып келгенбиз. Кыргызстанда жашап калышабы же кетишеби өздөрү чечет. Кааласа Алайга көчүп барышат, бирок ал үчүн Кыргызстандын жарандыгын алуу керек болот", — деди Мамбетова.

Эске салсак, учурда памирлик кыргыздардын ичинен Ноорулхуда менен Авдувакил Ош шаарындагы Ош мамлекеттик университетинде билим алууда.

Эске салсак, 2017-жылдын октябрь айында Памирде жашаган 33 этникалык кыргыз тарыхый мекенине өкмөт тарабынан көчүрүлүп келип, Куланак айылына отурукташкан. Кийин 2018-жылы жазга жуук дагы бир нече адам келген.

Ал эми 6-июлда 18 киши жайкы каникулга карата Бишкектен Памирди көздөй сапар алышкан. Азырынча кеткендерден кабар жок.

Тема:
Памирлик кыргыздар (77)

Тема боюнча

Нарындагы памирлик кыргыздарга кандай колдоо көрсөтүлүүдө? Өкмөттүн жообу
Жаңы төрөлгөн памирлик кыргыз Нарынбекке күбөлүк берилди
Белгилер:
Памир кыргыздары, Алай району, Нарын облусу
Колдонуу эрежелериПикирлер

ЭҢ МААНИЛҮҮ