21:04 15 Тогуздун айы 2019
Түз эфир
  • USD69.8396
  • EUR77.0051
  • RUB1.0869
MegaCom компаниясынын башкы директорлугуна дайындалган Акылбек Жамангулов

MegaCom компаниясынын мурдагы жетекчиси айына 12 миң доллар айлык алып турган

© Sputnik / Табылды Кадырбеков
Коом
Кыскача шилтеме алуу
3911 0 0

Аталган компанияга жаңы дайындалган Акылбек Жамангулов өзүнүн айлыгы канча болорун айтты.

БИШКЕК, 26-окт. — Sputnik. MegaCom компаниясынын башкы директорлугуна дайындалган Акылбек Жамангулов мекеменин мурдагы жетекчиси айына 12 миң доллар алып келгенин Sputnik Кыргызстан агенттигине берген маегинде билдирди.

Белгилей кетсек, Жамангулов буга чейин Жогорку Кеңештин жыйынында MegaCom компаниясынын жетекчилиги 20 миң долларга чейин айлык аларын айтып чыккан.

"Компаниянын топ-менеджери аларды эч ким текшербей турганынан пайдаланып негизсиз түрдө өзүлөрүнө көп айлыкты белгилеп алышкан. Жыйында мен ушул нерсени сынга алгам. Андан кийин Мамлекеттик мүлк фонду менен премьер-министр MegaСom компаниясынын топ-менеджерлеринин айлыгын кыскартуу чечимин кабыл алышты. Башкы директордун маянасы 60-70 пайызга чейин кыскартылды. Ал эми директор айына 20 миң доллар алып турган деген маалымат такталбай, аныгында жетекчинин айлыгы 12 миң доллар болгону ырасталды. Ошентсе да бул аябай көп деп ойлойм", — деди ал.

Жамангулов ошондой эле компаниянын башка кызматкерлеринин айлыгы кыскартылбай турганын кошумчалады. Андан сырткары, ал жогорудагы кыскартууларды эске алуу менен айына болжол менен 3600 доллардай айлык чыгышы мүмкүндүгүн белгиледи.

30 жаштагы Акылбек Жамангулов 24-октябрда "Альфа Телеком" (MegaCom) компаниясынын башкы директору болуп дайындалган.

Жаш жетекчи тууралуу кызыктуу 8 фактыны окуңуз.

Жамангулов менен болгон маектин толук вариантын орус тилинде бул жактан окуңуз.

Тема боюнча

212 чарчы метрлик үйү бар. Акылбек Жамангуловдун байлыгы
Өкүл атасы аэропортту, өз атасы арак заводду башкарган. Жамангулов жөнүндө 8 факты
Белгилер:
айлык-акы, MegaCom, Альфа Телеком” ЖАК, Акылбек Жамангулов

ЭҢ МААНИЛҮҮ